ចុករួយជើងអំឡុងពេលពពោះបណ្តាលមកពីអ្វី? ដោះស្រាយបែបណា?

បើម៉ាក់ៗចេះតែមានអារម្មណ៍នៅមិនសុខ ចង់កម្រើកជើងចុះឡើងមិនឈប់ នេះអាចជាសញ្ញានៃ ជំងឺជើងនៅមិនស្ងៀម ឬ Restless legs syndrome។ រោគសញ្ញានៃជំងឺ នេះអាចមានលក្ខណៈស្រាល ឬធ្ងន់ធ្ងរដែលធ្វើឲ្យយើងមិនអាចសម្រាកបានគ្រប់គ្រាន់។ ជាក់ស្តែង បញ្ហាមួយនេះមិនត្រឹមតែកើតលើស្ត្រីពពោះប៉ុណ្ណោះទេ សូម្បីតែបុរស កុមារ និងស្ត្រីដែលពុំមានផ្ទៃពោះក៏អាចប្រឈមនឹងជំងឺនេះដែរ។ ស្រីៗយើងមានហានិភ័យនៃការកើតជំងឺនេះខ្ពស់ជាងបុរសដល់ទៅ២ដង ហើយប្រមាណជា២០%នៃស្ត្រីពពោះ អាចកើតមានរោគសញ្ញានេះនៅត្រីមាសណាមួយអំឡុងពេលពពោះ ដែលជាធម្មតា គឺកើតឡើងនៅពេលដែលម៉ាក់ៗសម្រាក ជាពិសេសមុនពេលចូលគេងតែម្តង។

ភាគច្រើន យើងអាចមានរោគសញ្ញានៃជំងឺជើងនៅមិនស្ងៀមនៅជើងផ្នែកខាងក្រោម ប៉ុន្តែពេលខ្លះ ក៏អាចចុករួយនៅត្រង់ប្រអប់ជើង ភ្លៅ ដៃ ឬប្រអប់ដៃផងដែរ។ ថ្វីត្បិតតែការកម្រើកអវយវៈ អាចធ្វើឲ្យយើងទទួលអារម្មណ៍ធូរស្បើយភ្លាមៗក៏ពិតមែន ប៉ុន្តែនៅពេលដែលយើងឈប់កម្រើក នោះភាពរសាប់រសល់នឹងកើតឡើងម្តងទៀត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជំងឺជើងនៅមិនស្ងៀមប៉ះពាល់ដែរអត់អំឡុងពេលពពោះ?

ជំងឺនេះ អាចធ្វើឲ្យម៉ាក់ៗពិបាកគេង អស់កម្លាំង ក៏ដូចជាមិនអាចបំពេញមុខងារប្រចាំថ្ងៃប្រកបដោយប្រសិទ្ធភាព ផងដែរ។ យ៉ាងណាមិញ ជំងឺជើងនៅមិនស្ងៀម ឬចុករួយជើង មិនបង្កផលប៉ះពាល់ដល់ម៉ាក់ៗ និងទារកក្នុងផ្ទៃឡើយ។ ចំពោះស្ត្រីដែលកើតជំងឺនេះនៅអំឡុងពេលពពោះ អាចនឹងបាត់ទៅវិញដោយខ្លួនឯង។ ជាធម្មតា រោគសញ្ញានៃជំងឺនេះកើតឡើងអំឡុងត្រីមាសទី៣ និងអាចបាត់ទៅវិញក្រោយសម្រាលកូនរួច ឬយូរជាងនេះ។

ជំងឺជើងនៅមិនស្ងៀមកើតឡើងបណ្តាលមកពីមូលហេតុអ្វី?

ក្រុមអ្នកស្រាវជ្រាវនៅមិនទាន់ដឹងច្បាស់ពីមូលហេតុបង្កជាក់លាក់ឡើយ ប៉ុន្តែជំងឺនេះ អាចកើតមាននៅក្នុងគ្រួសារ។ ចំណែកឯស្ត្រីដែលមានជំងឺជើងនៅមិនស្ងៀមស្រាប់ នឹងមានរោគសញ្ញាកាន់តែធ្ងន់ធ្ងរអំឡុងពេលពពោះ។ យ៉ាងណាមិញ មានទ្រឹស្ដីខ្លះបានឲ្យដឹងថា កត្តាមួយចំនួនដូចជាកង្វះជាតិដែក កង្វះអាស៊ីដហ្វូលីក និងការប្រែប្រួលអ័រម៉ូន អាចបណ្តាលឲ្យម៉ាក់ៗដែលមិនធ្លាប់មានជំងឺជើងនៅមិនស្ងៀមសោះ កើតមានជំងឺនេះអំឡុងពេលពពោះ។

គន្លឹះកាត់បន្ថយជំងឺជើងនៅមិនស្ងៀមអំឡុងពេលពពោះ

ជៀសវាងញ៉ាំកាហ្វេ ទឹកក្រូចកំប៉ុង និងភេសជ្ជៈដែលមានជាតិកាហ្វេអ៊ីនដទៃទៀត
ហាត់ប្រាណជារៀងរាល់ថ្ងៃ
កំណត់ពេលវេលាចូលគេងទៀងទាត់។
ងូតទឹកក្តៅឧណ្ហៗមុនពេលចូលគេង
ស្អំកំណាត់ក្តៅ
ម៉ាស្សាជើង ប្រសិនបើជំងឺជើងនៅមិនស្ងៀមរំខានដល់ដំណេកម៉ាក់ៗ។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

ចុករួយជើងអំឡុងពេលពពោះបណ្តាលមកពីអ្វី? ដោះស្រាយបែបណា?

ជំងឺ​ជើង​នៅ​មិន​ស្ងៀម​ប៉ះពាល់​ដែរ​អត់​អំឡុង​ពេល​ពពោះ?

​ជំងឺ​ជើង​នៅ​មិន​ស្ងៀម​កើត​ឡើង​បណ្តាល​មក​ពី​មូលហេតុ​អ្វី?

គន្លឹះ​កាត់បន្ថយ​ជំងឺ​ជើង​នៅ​មិន​ស្ងៀម​អំឡុង​ពេល​ពពោះ

In Case You Missed It

ជំងឺជើងនៅមិនស្ងៀមប៉ះពាល់ដែរអត់អំឡុងពេលពពោះ?

ជំងឺជើងនៅមិនស្ងៀមកើតឡើងបណ្តាលមកពីមូលហេតុអ្វី?

គន្លឹះកាត់បន្ថយជំងឺជើងនៅមិនស្ងៀមអំឡុងពេលពពោះ