ឆ្នាំនេះផ្អើលអស់អ្នកភូមិ រត់ទៅមើលទីងមោង វណ្ណដា មុខក៏ដូច រាំក៏ដូចទៀត (មានវីដេអូ)

កម្សាន្ត៖ មិត្តៗអ្នកអានដែលនិយមលេងបណ្ដាញសង្គម TikTok ច្បាស់ជាបានឃើញរួចមកហើយថា មានបងប្អូននៅតាមបណ្ដាខេត្តបានធ្វើ ទីងមោង មុខមាត់ដូច តារាចម្រៀងរ៉េបដ៏ល្បីល្បាញ លោក វណ្ណដា ដែលធ្វើឲ្យផ្ទុះការចាប់អារម្មណ៍ជាខ្លាំង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មិនត្រឹមតែមានទីងមោងមុខមាត់ ស្រដៀង វណ្ណដា នោះទេ សូម្បីតែកាយវិការរបស់មនុស្សនៅក្នុងទីងមោងនោះ ក៏ត្រូវបានគេថា មើលទៅដូច តារាចម្រៀងប្រុសរូបនេះទៀតផង។ តាមរយៈវីដេអូមួយនៅក្នុងសង្គម TikTok បុរសម្នាក់បានសរសើរទៅកាន់ទីងមោងនោះថា សូម្បីតែរាំក៏រាំទំនងដែរ។

មិនតែប៉ុណ្ណោះ គេបាននិយាយរៀបរាប់ថា ទីងមោងយកតម្រាប់តាមតារាល្បីអញ្ចឹងគឺយើងមិនអាចរាំរញ៉េរញ៉ៃពាសណាពាសណីនោះទេ។ លើសពីនោះ មនុស្សម្នារទាំងក្មេងទាំងចាស់ នាំគ្នាសុំថតជាមួយទីងមោង វណ្ណដា គ្រប់ៗគ្នា នេះបញ្ជាក់ឲ្យឃើញថា នេះហើយឥទ្ធិពល វណ្ណដា។

បន្ថែមពីនោះ មិនមែនមានតែទីងមោងមួយនេះនោះទេ នៅមានទីងមោងជាច្រើនទៀត មុខមាត់ខុសៗគ្នា មានខ្លះមុខយក្សក្នុងល្ខោនទៀតផង នេះគួរឲ្យសរសើរទៅកាន់អ្នកធ្វើទីងមោង ដែលមានស្នាដៃល្អ ពិសេសមានគំនិតច្នៃប្រឌិត ដោយបានផលិតចេញជាមុខមាត់តារាល្បី ក៏ដូចជា មុខមាត់របស់តួអង្គយក្សដែលជាសិល្បៈរបស់ខ្មែរ៕

@jjleng #វណ្ណដាទីងមោង #វណ្ណដា ♬ Time To Rise (feat. Master Kong Nay) - VannDa

• វណ្ណដា
• វីដេអូ
• រូបភាព
• តារាខ្មែរ