ខុសអី? ដេវីត និង បូព្រឹក្ស សុទ្ធតែធ្លាប់ ត្រូវគេធ្វើរឿងនេះដាក់ ពេលឡើងឆាក

កម្សាន្ត៖ បើក្រឡេកមកមើលពីជីវិតលើវិថីសិល្បៈរបស់កំពូលតារាចម្រៀង ជី ដេវីត និង ទេព បូព្រឹក្ស ប្រិយមិត្តច្បាស់ជាធ្លាប់ដឹងឮហើយថា ពួកគេបានឆ្លងកាត់រឿងរ៉ាវជាច្រើនពីគ្រប់មជ្ឍដ្ឋាន និងទទួលបានការមិនពេញចិត្តពី Hater ជាច្រើនមិនចេះស្រាកស្រាន្តទាល់តែសោះ។

ជាក់ស្ដែង ថ្មីៗនេះ ដេវីត ក៏ទើបតែជួបរឿងដ៏ហួសចិត្តមួយថ្មីទៀត ដោយត្រូវបានគេគប់ទឹកកកដាក់កំឡុងពេលឡើងច្រៀងលើឆាក ដែលធ្វើឲ្យគ្រប់គ្នាភ្ញាក់ផ្អើលចំពោះរឿងនេះខ្លាំងមែនទែន។ ជាពិសេស បើយើងបកទៅរំឮកកាលពីឆ្នាំ ២០១៨ វិញ គូស្នេហ៍របស់ ដេវីត គឺអ្នកនាង ទេព បូព្រឹក្ស ក៏ធ្លាប់ជួបរឿងបែបនេះដែរ ដោយកាលនោះនាងត្រូវបានគេជះស្រាដាក់ពេលកំពុងច្រៀងលើឆាកដូចគ្នាផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ស្របគ្នានេះហើយ ទើបធ្វើឲ្យមហាជនមានការងឿងឆ្ងល់ និងមិនសុខចិត្តទេថា ហេតុអ្វីក៏មកធ្វើរឿងបែបនេះដាក់តារាទាំងពីរ? តើពួកគេទៅធ្វើអីខុសដាក់មហាជន? បើគ្រាកន្លងមកមួយរយៈនេះ ដេវីត និង បូព្រឹក្ស តែងតែបង្កើតស្នាដៃល្អៗ ជួយលើកស្ទួយវប្បធម៌ លើកស្ទួយមុខមាត់ប្រទេសជាតិរហូត៕ 

ចុះប្រិយមិត្តវិញ យល់យ៉ាងណាដែរ?

• ទេព បូព្រឹក្ស
• ងួន ចាន់ដេវីត
• រូបភាព
• តារាខ្មែរ