កម្សាន្ត៖ កាលពីថ្មីៗនេះ តារាចម្រៀងរ៉េប ដ៏ល្បីល្បាញប្រចាំប្រទេសកម្ពុជា លោក វណ្ណដា បានធ្វើចុះសកម្មភាពសប្បុរសធម៌មួយ ដែលមានឈ្មោះថា Journey from The Heart ។ នៅក្នុងនោះ តារាប្រុសរូបនេះ បានចុះទៅចែករំលែកក្ដីស្រឡាញ់ ជាមួយសិស្សអូទីស្សឹម នៅឯវិទ្យាល័យអប់រំពិសេសតាខ្មៅ ខេត្តកណ្ដាល។
មិនតែប៉ុណ្ណោះ វណ្ណដា បានឆក់យកបេះដូងមហាជនបានកាន់តែច្រើនទៀត តាមរយៈសកម្មភាពមួយនេះ ដែលមើលទៅពិតជាគួរឲ្យស្រឡាញ់មែនទែន។ អ្វីដែលធ្វើឲ្យមហាជនជាប់ចិត្តនោះគឺ តារារ៉េប វណ្ណដា បានអង្គុយច្រៀងលេងជាមួយក្មេងៗ ដោយពួកគេក៏ច្រៀងអមជាមួយផងដែរ ក្នុងបទ កម្លោះស្រុកខ្មែរ។
តាមរយៈសកម្មភាពនេះ លោកបានជួយទៅកាន់សិស្សសាលា កុមារអូទីស្សឹម ដើម្បីឲ្យពួកគេទទួលបានចំណេះដឹង ដូចកុមារទូទៅដែរ។ លើសពីនោះ យើងឃើញថា វណ្ណដា តែងតែជួយលើកស្ទួយសង្គមខ្មែរ មិនថាតែតាមបទចម្រៀងនោះទេ លោកបានបង្ហាញទង្វើល្អៗជាច្រើនដែលសិល្បករផ្សេងៗគួរយកគម្រូតាម៕
ប្រភព៖ Vann Da - វណ្ណដា
វីដេអូពី៖ Sideth Bee
@sidethbee ♬ original sound - Sideth Bee
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
