ការសិក្សា៖ សាច់ក្រហម ស្ករអាចបង្កទៅជាមហារីកពោះវៀនធំលើមនុស្សវ័យក្មេង!

ក្រុមអ្នកស្រាវជ្រាវបានណែនាំថា ការញ៉ាំពពួកសាច់ក្រហម និងស្ករអាចធ្វើឲ្យមានការវិវត្តទៅជាជំងឺមហារីកពោះវៀនធំលើមនុស្សវ័យក្មេង ដែលកត្តានេះកើតឡើងដោយសារតែភាពខុសគ្នានៃការបំបែកប្រូតេអ៊ីន។

ជាក់ស្តែង ជំងឺមហារីកពោះវៀនធំ មានការកើនឡើងលើមនុស្សវ័យក្មេង និងអាចក្លាយជាមូលហេតុចម្បងនៃអត្រាមរណភាពដោយជំងឺមហារីកលើអ្នកដែលមានអាយុចន្លោះពី២០ ដល់៤៩ឆ្នាំនៅសហរដ្ឋអាមេរិកត្រឹមឆ្នាំ២០៣០។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ការសិក្សាថ្មីនេះ បានគូសបញ្ជាក់ថា កត្តាចំណីអាហារ និងបរិស្ថានអាចបង្កឲ្យកើតជំងឺមហារីក ប៉ុន្តែអ្នកជំនាញនៅមិនទាន់កំណត់បានពីមូលហេតុច្បាស់លាស់នៅឡើយទេ។ លោកវេជ្ជបណ្ឌិត Suneel Kamath ជាមួយនឹងគ្លីនិកCleveland ព្រមទាំងអ្នកនិពន្ធជាន់ខ្ពស់នៃការសិក្សាថ្មីនេះ បានលើកឡើងថា យើងបានដឹងតិចតួចបំផុតពីកត្តាបង្កនៃជំងឺដ៏កាចសាហាវមួយនេះ។

នៅក្នុងការសិក្សា ដែលមានអ្នកចូលរួមចំនួន២ក្រុម ដោយក្រុមទី១ជាក្រុមមនុស្សវ័យក្មេង ដែលកើតជំងឺមហារីកពោះវៀនធំ និងមួយក្រុមទៀត មានការវិវត្តនៃជំងឺមហារីកពោះវៀនធំនៅវ័យចំណាស់។ ក្រុមអ្នកស្រាវជ្រាវបានរកឃើញថា អ្នកមានវ័យក្រោម៥០ឆ្នាំ ដែលកើតជំងឺមហារីកពោះវៀនធំ មានកម្រិតសារធាតុ Citrate ទាប (ជាសារធាតុដែលបង្កើតឡើងនៅពេលរាងកាយបំប្លែងអាហារទៅជាថាមពល) ព្រមទាំងបានរកឃើញពីភាពខុសគ្នាក្នុងការបំបែកប្រូតេអ៉ីន និងកាបូអ៊ីដ្រាត ដែលកត្តានេះអាចមានទំនាក់ទំនងទៅនឹងការញ៉ាំពពួកសាច់ក្រហម និងជាតិស្ករ។

ហេតុដូច្នេះហើយ ដើម្បីបង្ការ ក៏ដូចជាកាត់បន្ថយហានិភ័យនៃការកើតជំងឺមហារីកពោះវៀនធំ គ្នាយើងគប្បីផ្លាស់ប្ដូររបបអាហារ ដោយបង្កើនការញ៉ាំបន្លែបៃតង កាត់បន្ថយកម្រិតជាតិស្ករ អាហារកែច្នៃ ពពួកសាច់ក្រហម និងញ៉ាំពពួកប្រូតេអ៊ីនពីសាច់គ្មានខ្លាញ់ សាច់មាន់ ឬសណ្តែក។ល។

ចំពោះរោគសញ្ញានៃជំងឺមហារីកពោះវៀនធំ ដែលយើងគួរយកចិត្តទុកដាក់មានដូចជា ហូរឈាមតាមរន្ធគូថ ឬឈាមនៅក្នុងលាមក ចុក ឬឈឺពោះ ខ្សោយ អស់កម្លាំង និងស្រកទម្ងន់។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

ការសិក្សា៖ សាច់ក្រហម ស្ករអាចបង្កទៅជាមហារីកពោះវៀនធំលើមនុស្សវ័យក្មេង!

In Case You Missed It