អ្នកម្តាយជំនាន់ថ្មី គួរផ្លាស់ប្តូរគំនិត ៧ យ៉ាងនេះ ដើម្បីយល់ពីកូនឲ្យបានច្រើន

យល់ដឹង៖  ជាការពិត ​ម្តាយ​របស់​យើង តែងតែប្រៀនប្រដៅកូន ឬរអ៊ូរទាំច្រើនដាក់កូនឲ្យធ្វើតាមគាត់ ព្រោះតែគាត់ចង់ឲ្យកូនល្អ ព្រោះគាត់កើតឃើញពន្លឺថ្ងៃមុនយើង និងមានអាយុ​ខុស​គ្នា​ពីយើងឆ្ងាយ​ណាស់។ ហើយការគិត ការយល់ដឹងពីសង្គម ឬការរស់នៅ គាត់សុទ្ធតែឆ្លងកាត់មុនយើងទាំងអស់។ 

ប៉ុន្តែក្នុង​អត្ថបទ​ខាងក្រោមនេះ ជាអាកប្បកិរិយា​ទាំង ៧ របស់​អ្នក​ម្ដាយ​សម័យ​ទំនើប ដែលគួរកែសម្រួល ស្វែងយល់និងផ្លាស់ប្តូរ ដើម្បីយល់ពីកូនឲ្យបានច្រើនជាងមុន៖

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

១.អ្នកម្តាយជំនាន់ថ្មី គួរតែស្តាប់កូន

ម្ដាយគ្រប់រូបត្រូវទទួលស្គាល់ថា ជាញឹកញយ យើងច្រើនតែមិនស្តាប់ហេតុផលរបស់កូន ព្រោះគិតថាគំនិតរបស់គេខុស។ នេះ​ជា​បញ្ហា​ខ្លាំង​ណាស់ ព្រោះ​កូន​នឹង​មាន​អារម្មណ៍​ថា​ បើមាន​រឿង​អ្វីមួយ គេនឹងមិនប្រាប់​ម្តាយ​នោះទេ។ វិធី​ល្អ​បំផុត​ គឺ​ស្តាប់​កូន​ឲ្យ​បាន​ច្រើន​។ អ្វីដែលកូននិយាយ យើងត្រូវស្តាប់ជាមុនសិន ទោះ​បី​ជា​​អ្នក​យល់​ស្រប​ ឬ​ក៏​មិន​យល់ស្របក៏ដោយ។ នៅពេលស្តាប់ចប់ សូមនិយាយ ឬបញ្ចេញមតិរបស់អ្នកតាមការគួរ។ កុំ​និយាយពាក្យ​​មិន​ល្អ ទោះ​បី​ជា​កូន​មិន​ទាន់​បាន​ពន្យល់​ចប់​ក៏​ដោយ។ 

២.អ្នកម្តាយសម័យថ្មីគួរប្រើហេតុផលច្រើនជាងអារម្មណ៍

ភាគច្រើន យើងឃើញម្តាយមួយចំនួន ខឹងនឹងកូននៅពេលដែលកូនធ្វើខុស ឬធ្វើមិនល្អ ហើយគាត់ប្រើអារម្មណ៍ដើម្បីដោះស្រាយបញ្ហា។ ផ្ទះខ្លះប្រើអំពើហឹ«ង្សា មនុស្សខ្លះប្រើពាក្យអាក្រក់ដាក់កូនៗ។ មិនថាកូនខុស ឬមិនល្អនោះទេ យើងចង់​ឲ្យ​ម្តាយ​​គ្រប់រូប ធ្វើ​រឿង​ដំបូង​គេនោះ គឺ​ស្តាប់​កូន​និយាយ​សិន​។ បន្ទាប់ពីនោះ ស្ងប់ស្ងាត់ ធ្វើឲ្យចិត្តរបស់អ្នកស្ងប់។ នៅពេលដែលអ្នកបានស្ងប់ស្ងាត់ ចូរគិតទៅតាមអ្វីដែលកូនរបស់អ្នកបាននិយាយ និងរបៀបដែលវាកើតឡើង។ បើ​វា​ល្អ​ឬ​អាក្រក់ អ្នក​ត្រូវ​តែ​ប្រាប់​ហេតុផល​ថា ​វា​មិន​ល្អ​បែប​នេះ​ បែបនោះតាមការយល់ឃើញ។  បើដាក់ទោសកុំប្រើហឹ«ង្សា ត្រូវប្រើវិធីផ្សេងដូចជា កាត់បន្ថយលុយចាយ ឬឲ្យគេជួយសម្អាតផ្ទះ ដើម្បីកុំឲ្យកូនធំឡើង ប្រើកម្លាំងធ្វើបាបខ្លួនឯង។

៣.ម្តាយត្រូវតែយល់ សម័យ​យើង​ និង​កូន​យើង​ គឺខុស​គ្នា

អ្នកម្តាយជាច្រើន ចូលចិត្តផ្ដោតទៅលើសម័យដែលគាត់ធ្លាប់បានឆ្លងកាត់។ ប៉ុន្តែគំនិតខ្លះកាលពីអតីតកាល មិនត្រឹមត្រូវ ឬសមស្របនឹងបច្ចុប្បន្ននោះទេ។ ឧទាហរណ៍កាលពីអតីតកាល ពេលកូនធ្វើខុស ម្ដាយត្រូវវា«យកូនឲ្យចងចាំ។ ប៉ុន្តែ​បច្ចុប្បន្ន​ការ​វា«យ​ដំ​ គឺ​ជា​អ្វី​ដែល​មនុស្ស​ជា​ច្រើន​មិនគាំទ្រ​។ ឥឡូវនេះពិភពលោកបានរីកចម្រើនរហូតមកដល់ពេលនេះ គំនិត ឬជំនឿចាស់មួយចំនួន បង្ហាញថាមិនល្អនោះឡើយ។ 

 ៤.ម្តាយ​សម័យ​ថ្មី​មិន​ប្រៀបធៀប​កូន​ខ្លួនឯង​ជាមួយ​កូន​អ្នកដទៃ​

អ្វី​ដែល​កូន ឬ​កូន​អ្នក​ផ្សេង​ជា​ច្រើន​យល់​ស្រប​នោះ គឺ​អ្នក​ម្ដាយ​សូម​កែប្រែ​អាកប្បកិរិយា​នេះ​ជា​បន្ទាន់ គឺ​ប្រៀបធៀប​កូន​ខ្លួន​ឯង​ជាមួយ​អ្នក​ស្រុក​ដទៃ។ យើងយល់ថា ម្តាយគ្រប់គ្នា តែងតែឧទាហរណ៍អំពីនរណាម្នាក់ ថាហេតុអ្វីបានជាពួកគេមិនដូចកូន។ តើអ្នកដឹងទេ ថាការលើកឡើងបែបនេះ អាចមានអារម្មណ៍អាក្រក់ដល់កូន? ដំណោះ​ស្រាយ​ចំពោះ​បញ្ហា​នេះ គឺ​ត្រូវ​ស្តាប់​កូន​របស់​អ្នក​ពី​អារម្មណ៍​របស់​គាត់។ ហើយកុំរំពឹង កុំគិតថាកូនអ្នកដទៃល្អជាងកូនយើង។ គ្រាន់តែគិតពីរបៀបធ្វើឲ្យកូនរបស់អ្នកសប្បាយចិត្តទៅបានហើយ។ 

៥.អ្នក​ម្តាយ​សម័យ​ថ្មី​គួរ​តែដឹង កុំប្រាប់រឿងផ្ទះយើងឲ្យអ្នកណាដឹង

មានរឿងខ្លះ ដែលអ្នកម្ដាយជាច្រើនចូលចិត្តនិយាយ ពេលជួបជុំគ្នាជាមួយអ្នកជិតខាង។ ប៉ុន្តែរឿងខ្លះ ដែលកូនយើងបានប្រាប់ គាត់មិនចង់ឲ្យម្តាយប្រាប់អ្នកណាដោយចៃដន្យទេ។ ដូច្នេះជាម្តាយ មិនគួរប្រាប់រឿងគ្រប់យ៉ាងនៅក្នុងផ្ទះ ឬអំពីកូនដល់អ្នកដទៃឡើយ។  រឿង​ណា​ដែល​មិន​គួរ​និយាយ ឬ​បើ​កូន​មក​ពិគ្រោះ​ដោយ​សម្ងាត់​ជាមួយខ្លួន គួរតែកុំ​និយាយ​ល្អ​ជាង។

៦.ម្តាយសម័យថ្មី មិនបំពានលើភាពឯកជនរបស់កូនទេ

​នេះ​ជា​អ្វី​ដែល​អ្នក​ម្ដាយ​ជា​ច្រើន​មិន​យល់។ ជាឧទាហរណ៍ បញ្ហាទូទៅមួយ គឺការបើកទ្វារបន្ទប់គេងកូនដោយគ្មានការអនុញ្ញាត។ ធម្មតា​ពេល​យើង​ចូល​ក្នុង​បន្ទប់​អ្នក​ណា​ម្នាក់ យើង​គួរ​សុំ​ការ​អនុញ្ញាត​ដោយការគោះទ្វារ។ ព្រោះរឿងខ្លះ កូនក៏ត្រូវធ្វើរឿងខ្លះ ផ្ទាល់ខ្លួនដោយសម្ងាត់ដែរ។

៧.ម្តាយសម័យថ្មី មិនចំអក ឬសើចដាក់កូនពេលគេកំពុងមានទុក្ខ

រឿងនេះមិនគួរធ្វើច្រើនពេកទេ សូម្បីតែមនុស្សជិតស្និទ្ធក៏មានអារម្មណ៍មិនល្អដែរ។ បើ​អ្នក​ជា​ម្ដាយ តើ​កូន​នឹង​មាន​អារម្មណ៍​អាក្រក់​យ៉ាង​ណា? អ្នក​អាច​និយាយ​លេង​សើច​បាន ប៉ុន្តែ​អ្នក​ត្រូវ​ដឹង​ថា​ អ្វី​ដែល​អ្នក​គួរ​និយាយ​លេង និង​អ្វី​ដែល​អ្នក​មិន​គួរ​និយាយ​លេង។ ឧទាហរណ៍ ពាក្យថា ធាត់ ស្គម កើតមុន ស្បែ»ក»ខ្មៅ ភ្នែកខ្មៅ អ្វីៗដែលទាក់ទងនឹងរាងកាយ មិនគួរយកជាការលេងសើចទេ។ ព្រោះកូន អាចមានអារម្មណ៍ថាបាត់បង់ខ្លួនឯង ឬមានអារម្មណ៍ខ្លួនឯងមិនស្អាត។  

ប្រភព៖ sanook

• យុវវ័យ
• គ្រួសារ