ស្រ្តីពពោះអាចញ៉ាំផ្លែប៉េសបានអត់? ផ្តល់អត្ថប្រយោជន៍សុខភាពអ្វីខ្លះ?

ការញ៉ាំផ្លែប៉េសអំឡុងពេលពពោះ អាចជួយឲ្យម៉ាក់ៗទទួលបានវីតាមីន C ក៏ដូចជាសារធាតុចិញ្ចឹមជាច្រើនផ្សេងទៀត ដូចជាជាតិដែក ប្រូតេអ៊ីន និងស័ង្កសី។ល។ ការបញ្ចូលផ្លែប៉េសទៅក្នុងរបបអាហារ គឺជាជម្រើសដ៏ឆ្លាតវៃសម្រាប់ម៉ាក់ៗ ប៉ុន្តែគួរតែញ៉ាំក្នុងបរិមាណសមល្មមទើបជាការប្រសើរ ដើម្បីទទួលបានអត្ថប្រយោជន៍ល្អៗពីផ្លែឈើមួយមុខនេះ។

អត្ថប្រយោជន៍នៃការញ៉ាំផ្លែប៉េសអំឡុងពេលពពោះ

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

១. វីតាមីន C

ជាក់ស្តែង ផ្លែប៉េសសម្បូរទៅដោយវីតាមីនC ដែលមានគុណប្រយោជន៍ដល់ឆ្អឹង ធ្មេញ សាច់ដុំ និងសរសៃឈាមរបស់ទារកក្នុងផ្ទៃ។ លើសពីនេះ វីតាមីន C អាចជួយជំរុញដល់ការស្រូបយកជាតិដែកទៅក្នុងរាងកាយ និងបង្ការជំងឺស្លេកស្លាំងចំពោះម៉ាក់ៗ ក៏ដូចជាកាត់បន្ថយបញ្ហាសម្រាលកូនមុនខែថែមទៀតផង។

២. អាស៊ីដហ្វូលីក

ផ្លែប៉េសចំនួន១០០ក្រាម អាចផ្តល់អាស៊ីដហ្វូលីកប្រហែលជា៤មីក្រូក្រាម ដែលអាស៊ីដមួយប្រភេទនេះ មានសារធាតុចិញ្ចឹមដ៏សំខាន់ក្នុងត្រីមាសដំបូង។ អាស៊ីដហ្វូលីក អាចជួយក្នុងការអភិវឌ្ឍខួរក្បាល និងឆ្អឹងខ្នងរបស់ទារក និងបញ្ចៀសពិការភាពពីកំណើត។

៣. ប៉ូតាស្យូម

ជាមួយគ្នានេះដែរ ផ្លែប៉េសក៏សម្បូរទៅដោយប៉ូតាស្យូម ដែលជួយកាត់បន្ថយអាការៈមិនស្រួលខ្លួនអំឡុងពេលពពោះមួយចំនួន ដូចជាហត់នឿយ ធីងធោង ថប់បារម្ភ ហើមកជើង និងជើងជាដើម។ បន្ថែមពីនេះ ផ្លែប៉េសអាចជួយរក្សាតុល្យភាពជាតិទឹកក្នុងរាងកាយទាំងម៉ាក់ៗ និងទារកក្នុងផ្ទៃ។

៤. ជាតិសរសៃ

ផ្លែប៉េសក៏ជាប្រភពនៃជាតិសរសៃ ដែលអាចជួយកាត់បន្ថយបញ្ហាទល់លាមក ការមិនរំលាយអាហារ និងបញ្ហាក្រពះពោះវៀនផ្សេងទៀត។ ការញ៉ាំផ្លែប៉េសជារៀងរាល់ថ្ងៃ អាចជួយសម្រួលការដល់បន្ទោបង់ជាទៀងទាត់។

៥. បណ្តេញជាតិពុល

ទន្ទឹមនឹងនេះ ផ្លែប៉េសក៏ជាភ្នាក់ងារបណ្តេញជាតិពុលប្រកបដោយសុវត្ថិភាព។ ក្រៅពីសម្អាតក្រពះ និងពោះវៀន ផ្លែប៉េសក៏ជួយបណ្តេញជាតិពុល និងកាកសំណល់ចេញពីសរីរាង្គផ្សេងទៀត ដូចជាថ្លើម តម្រងនោម និងលំពែង។

ស្ត្រីពពោះគួរញ៉ាំផ្លែប៉េសប៉ុន្មានក្នុងមួយថ្ងៃ?

អំឡុងពេលពពោះ ម៉ាក់ៗគួរញ៉ាំអាហារត្រឹមកម្រិតមួយសមល្មម ហើយយើងក៏មិនគួរញ៉ាំផ្លែប៉េសឲ្យលើសពី៥០០ក្រាម ឬត្រឹម២ផ្លែក្នុងមួយថ្ងៃនោះដែរ។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

អាហារ

ផ្ទៃពោះ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

ស្រ្តីពពោះអាចញ៉ាំផ្លែប៉េសបានអត់? ផ្តល់អត្ថប្រយោជន៍សុខភាពអ្វីខ្លះ?

អត្ថប្រយោជន៍​នៃ​ការ​ញ៉ាំ​ផ្លែ​ប៉េស​អំឡុង​ពេល​ពពោះ

១. វីតាមីន ​C

២. អាស៊ីដ​ហ្វូលីក

៣. ប៉ូតាស្យូម

៤. ជាតិ​សរសៃ

៥. បណ្តេញ​ជាតិ​ពុល

ស្ត្រី​ពពោះ​គួរ​ញ៉ាំ​ផ្លែ​ប៉េស​ប៉ុន្មាន​​​ក្នុង​មួយ​ថ្ងៃ?

In Case You Missed It