ចង់បានធ្មេញស? សាកល្បងអនុវត្តតាមវិធីសាស្ត្រអស់ទាំងនេះ

យល់ដឹង៖ សុខភាពមាត់ធ្មេញជារឿងសំខាន់ណាស់ចំពោះមនុស្សគ្រប់រូប មិនចាញ់សុខភាពរាងកាយទាំងមូលនោះឡើយ។ អ្នកខ្លះមានសុខភាពមាត់ធ្មេញល្អហើយតែប្រាថ្នាចង់បានធ្មេញសព្រោះការមានធ្មេញស ជួយឲ្យស្នាមញញិមរបស់យើងម្នាក់ៗកាន់តែទាក់ទាញ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដើម្បីឲ្យបានធ្មេញស សាកល្បងអនុវត្តតាមគន្លឹះអស់ទាំងនេះ៖

១. ឈប់ជក់បារី

ការជក់បារីក្នុងរយៈពេលយូរអង្វែង អាចបណ្ដាលឲ្យធ្មេញឡើងខ្មៅ ដោយសារវាមានសារជាតិនីកូទីន ហើយកាន់តែអ្នកជក់ វាកាន់តែឡើងពណ៌ខ្មៅជាប់នឹងធ្មេញរបស់អ្នក។

២. កុំផឹកភេសជ្ជៈមួយចំនួន

ភេសជ្ជៈមួយចំនួនដូចជា កាហ្វេ តែ ទឹកផ្លែឈើ និង ស្រាគឺអាចមានសារធាតុធ្វើឲ្យធ្មេញរបស់អ្នកឡើងពណ៌លឿងបើទោះបីជាអ្នកខំថែរក្សាធ្មេញរបស់អ្នកយ៉ាងណាក៏ដោយ។ បើសិនជាអ្នកមិនចង់ផ្ដាច់ភេសជ្ជៈសំណព្វរបស់អ្នកទេគឺ អាចសាកល្បងតាមវិធីអស់នេះ៖

- ផឹកតែម្ដងឬពីរដងអស់ ហាមអូសបន្លាយយូរ

- ផឹកទឹក ឬដុសធ្មេញបន្ទាប់ពីផឹកភេសជ្ជៈអស់ទាំងនោះរួច ដើម្បីកម្ចាត់បាក់តេរីនិងសារធាតុមាននៅក្នុងភេសជ្ជៈ

- ផឹកតាមទុយោ ដែលបញ្ចៀសមិនឲ្យមាត់អ្នកផឹកផ្ទាល់នឹងមាត់កែវភេសជ្ជៈ

៣. កុំញ៉ាំចំណីផ្អែមៗ

ចំណីដែលមានជាតិផ្អែមដូចជា ស្ករគ្រាប់ ឬសូកូឡាជាដើម ធ្វើឲ្យបាក់តេរីក្នុងមាត់របស់អ្នកកើនឡើង ដែលអាចប៉ះពាល់ដល់ធ្មេញរបស់អ្នក។ សូមញ៉ាំវាក្នុងបរិមាណមួយសមរម្យ មិនច្រើនពេកដើម្បីរក្សាសុខភាពមាត់ធ្មេញ។

៤. បូកបញ្ចូលអាហារទាំងនេះក្នុងរបបអាហាររបស់អ្នក

បើទោះជាគ្មានការពិសោធច្បាស់លាស់ តែគេជឿថា ផ្លែឈើដូចជាស្ត្របឺរី និងឪឡឹក គឺមានជាតិ Malic Acid ដោយជួយឲ្យធ្មេញស។ លើសពីនេះ ប៉ោម និង ផ្កាខាត់ណាជាដើមគឺជួយផលិតទឹកមាត់ ដែលអាចជួយលាងសម្អាតបាក់តេរីនិងកម្ទេចកម្ទីអាហារក្នុងមាត់របស់អ្នក។

៥. ដុសធ្មេញ និង ប្រើអំបោះទាក់ធ្មេញរាល់ថ្ងៃ

ការដុសធ្មេញមួយថ្ងៃបីដងជារឿងសំខាន់ណាស់ដើម្បីរក្សាសុខភាពមាត់ធ្មេញ ហើយបន្ទាប់ពីញ៉ាំអាហាររួច អ្នកគួរតែប្រើអំបោះទាក់ធ្មេញសម្អាតកំណកអាហារជាប់នឹងធ្មេញផងដែរ។

៦. ប្រើថ្នាំដុសធ្មេញជួយឲ្យធ្មេញស

បច្ចុប្បន្នមានផលិតផលធ្វើឲ្យធ្មេញសច្រើនណាស់ ដូច្នេះអ្នកអាចជ្រើសរើសដុសធ្មេញជាមួយថ្នាំដុសធ្មេញដែលជួយឲ្យធ្មេញស។

៧. ទៅលាងសម្អាតធ្មេញជាមួយគ្រូពេទ្យ

 បើទោះបីជាអ្នកបានដុសធ្មេញរៀងរាល់ថ្ងៃក៏ដោយ ក៏គួរតែទៅសម្អាតធ្មេញជាមួយគ្រូពេទ្យជំនាញ ឲ្យបានទៀងទាត់ គឺជារៀងរាល់៦ខែម្ដង។

៨. ទៅប្រើសេវាកម្មធ្វើឲ្យធ្មេញសជាមួយគ្រូពេទ្យ

សេវាកម្មធ្វើឲ្យធ្មេញសក៏ពេញនិយមដែរ សម្រាប់មនុស្សសម័យថ្មី ដែលវាជាជម្រើសល្អបំផុតបើអ្នកចង់ឲ្យធ្មេញស៕  

ប្រភព៖: longmontdentalloft

• ជីវិត
• មេរៀនជីវិត