ទឹកនោមផ្អែម អាចបង្កបញ្ហាដល់សុខភាពទ្វារមាស ដោះស្រាយតាមវិធីទាំងនេះ

ភ្នំពេញ៖ ការថែទាំសុខភាពទ្វារមាស មានសារៈសំខាន់ណាស់ចំពោះស្រីៗគ្នាយើង ជាពិសេស អ្នកដែលមានជំងឺទឹកនោមផ្អែម។ ជាក់ស្តែង ជំងឺទឹកនោមផ្អែមអាចបង្កឲ្យកើតមានបញ្ហាសុខភាពជាច្រើន រួមទាំងការកើនឡើងផលវិបាកចំពោះសុខភាពទ្វារមាស។ ប៉ុន្តែ មានគ្នាយើងភាគច្រើន នៅមិនទាន់បានដឹងច្បាស់ពីទំនាក់ទំនងរវាងជំងឺទឹកនោមផ្អែម និងសុខភាពទ្វារមាសនៅឡើយ។

បញ្ហាសុខភាពទ្វារមាសទូទៅចំពោះស្ត្រីដែលកើតជំងឺទឹកនោមផ្អែម

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ការកើនឡើងកម្រិតជាតិស្ករក្នុងឈាម ធ្វើឲ្យមានការរំញោចដល់ទ្វារមាស ដោយបង្កើនហានិភ័យនៃការឆ្លងមេរោគតាមរយៈការរួមភេទ។ លើសពីនេះ ជំងឺទឹកនោមផ្អែម អាចបណ្តាលឲ្យមានការធ្លាក់ចុះនូវចំណង់ផ្លូវភេទចំពោះស្ត្រី។ ម្យ៉ាងវិញទៀត ការឆ្លងមេរោគផ្សិតក្នុងទ្វារមាស និងការឆ្លងមេរោគទ្វារមាសប្រភេទផ្សេងទៀត ក៏អាចបង្កបញ្ហាធ្ងន់ធ្ងរដល់ស្ត្រីដែលកើតជំងឺទឹកនោមផ្អែមផងដែរ។ ជាមួយគ្នានេះដែរ អ្នកជំងឺទឹកនោមផ្អែមទំនងជាប្រឈមនឹងបញ្ហាស្ងួតទ្វារមាស ដែលបង្កឲ្យមានការឈឺចាប់អំឡុងពេលរួមភេទ ក៏ដូចជាការមករដូវច្រើនជ្រុល។

គន្លឹះថែទាំសុខភាពទ្វារមាសសម្រាប់អ្នកជំងឺទឹកនោមផ្អែម

១. ពិនិត្យសុខភាពជាទៀងទាត់

ការពិនិត្យសុខភាពជាប្រចាំ គឺជារឿងដែលមិនអាចខ្វះបានសម្រាប់គ្នាយើងដែលមានជំងឺទឹកនោមផ្អែម។ ក្រៅពីធ្វើតេស្ដជាតិស្ករក្នុងឈាម យើងក៏គប្បីពិគ្រោះសុខភាពទ្វារមាស ជាមួយនឹងគ្រូពេទ្យជំនាញ ដើម្បីអាចរកឃើញរោគសញ្ញាដំបូងនៃការឆ្លងមេរោគ ឬបញ្ហាផ្សេងៗ។

២. រក្សាជាតិទឹកក្នុងរាងកាយ

ភាគច្រើន ស្រីៗយើងតែងតែមិនសូវញ៉ាំទឹកច្រើន ដោយសារតែខ្លាចនោមញឹកញាប់ ដែលបណ្តាលមកពីជំងឺទឹកនោមផ្អែម។ កត្តានេះ ក៏អាចជះឥទ្ធិពលអវិជ្ជមានដល់សុខភាពទ្វារមាស និងស្បែកដូចគ្នា។ ដូច្នេះ យើងគួរញ៉ាំទឹកឲ្យបានគ្រប់គ្រាន់ ដើម្បីរក្សាជាតិរម្អិលធម្មជាតិនៃរាងកាយ និងកាត់បន្ថយហានិភ័យនៃការស្ងួតទ្វារមាស។

ចង់គណនារង្វាស់ចង្វាក់បេះដូង ចុចទីនេះ !

ចង់ពិនិត្យជំងឺមហារីកសុដន់ ចុចទីនេះ !

ចង់ពិនិត្យជំងឺមហារីកមាត់ស្បូន ចុចទីនេះ !

៣. ថែទាំអនាម័យទ្វារមាស

ទន្ទឹមនឹងនេះ យើងគួរថែទាំបរិវេណទ្វារមាសឲ្យបានស្ងួត និងស្អាតល្អ។ ជាក់ស្តែង បាក់តេរី និងផ្សិតលូតលាស់កាន់តែច្រើន នៅពេលមានសំណើម។ ហេតុនេះហើយ យើងគួរប្រើទឹកអនាម័យដែលគ្មានជាតិកាត់ ឬសារធាតុបន្ថែមក្លិន ដើម្បីសម្អាតបរិវេណទ្វារមាសផ្នែកខាងក្រៅ ក៏ដូចជាជូតសម្អាតទ្វារមាសឲ្យស្ងួត ក្រោយពេលនោមរួច។

៤. ជ្រើសរើសខោទ្រនាប់ដែលធ្វើពីកប្បាស

ខោទ្រនាប់ដែលធ្វើពីកប្បាស អាចជួយឲ្យខ្យល់ចេញចូលបានល្អ ដែលអាចកាត់បន្ថយហានិភ័យនៃការលូតលាស់នៃពពួកផ្សិត ឬបាក់តេរី។ សំខាន់ជាងនេះទៅទៀត យើងគួរជៀសវាងស្លៀកខោទ្រនាប់យូរជាង១៦ម៉ោង។

៥. ជូតសម្អាតពីផ្នែកខាងមុខទៅក្រោយ

បន្ទាប់ពីនោមរួច យើងគួរជូតសម្អាតទ្វារមាសដោយប្រើក្រដាសអនាម័យពីខាងមុខទៅខាងក្រោយ។ ធ្វើបែបនេះ អាចកាត់បន្ថយហានិភ័យនៃការចម្លងបាក់តេរីពីរន្ធគូទ ទៅកាន់តំបន់ពិសេស។ មួយវិញទៀត យើងគួរតែលាងសម្អាតដៃ ក្រោយពេលសម្អាតទ្វារមាសរួច ទើបជាការប្រសើរ។

អត្ថបទគួរអាន៖

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធដោយ៖ Hello Krupet

រូបភាព

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

ទឹកនោមផ្អែម អាចបង្កបញ្ហាដល់សុខភាពទ្វារមាស ដោះស្រាយតាមវិធីទាំងនេះ

បញ្ហា​សុខភាព​ទ្វារ​មាស​ទូទៅ​ចំពោះ​ស្ត្រី​ដែល​កើត​ជំងឺ​ទឹក​នោម​ផ្អែម

គន្លឹះ​ថែទាំ​សុខភាព​ទ្វារ​មាស​សម្រាប់​អ្នក​ជំងឺ​ទឹក​នោម​ផ្អែម

១. ពិនិត្យ​សុខភាព​ជា​ទៀងទាត់

២. រក្សា​ជាតិ​ទឹក​ក្នុង​រាងកាយ

៣. ថែទាំ​អនាម័យ​ទ្វារ​មាស

៤. ជ្រើសរើស​ខោ​ទ្រនាប់​ដែល​ធ្វើ​ពី​កប្បាស​

៥. ជូត​សម្អាត​ពី​ផ្នែក​ខាង​មុខ​ទៅ​ក្រោយ

In Case You Missed It