វិធីសាស្ត្រជួយកុំឲ្យស្បែកយា-»រធ្លា-»ក់ ក្រោយស-»ម្រកគីឡូ

យល់ដឹង៖ ការសម្រកទម្ងន់ជារឿងមួយដែលនារីៗនិងបុរសៗខ្លះចង់បាន ដោយព្យាយាមកាត់បន្ថយការញ៉ាំ តមអាហារ ឬហាត់ប្រាណជាដើម។ ប៉ុន្តែក្រោយពីអ្នកសម្រកបានជោគជ័យហើយ បញ្ហាប្រឈមមួយក៏បានកើតឡើងគឺស្បែកអ្នកដែលធ្លាប់តែតឹងនៅពេលអ្នកឡើងគីឡូនោះ បែរជាស្រកដោយមានភាពយារធ្លាក់ ធ្វើឲ្យអ្នកបាត់បង់ទំនុកចិត្ត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដូច្នេះហើយខាងក្រោមនេះគឺជាវិធីសាស្ត្រខ្លះៗជួយឲ្យស្បែកអ្នកមិនយារធ្លាក់ក្រោយពេលសម្រកទម្ងន់៖

១. សម្រកទម្ងន់យឺតៗ

ការសម្រកទម្ងន់លឿនពេកធ្វើឲ្យរាងកាយអ្នកវិវត្តន៍យ៉ាងខ្លាំងក្លា ដែលប៉ះពាល់ដល់ស្បែក ទើបវាប្រែជាមានសភាពយារធ្លាក់បែបនេះ ដូច្នេះវិធីល្អបំផុតដើម្បីបង្ការគឺត្រូវសម្រកទម្ងន់តាមដំណាក់កាលនីមួយៗ មិនបង្ខំពេក ដែលអ្នកមិនត្រូវប្រើប្រាស់វិធីតមអាហារជាផ្នែកមួយនៃការសម្រកនោះឡើយ។ វិធីសម្រកល្អបំផុតគឺជ្រើសរើសញ៉ាំពពួកអាហារដែលមានជាតិប្រូតេអ៊ីនច្រើននិងកាត់បន្ថយអាហារថាមពល (Carbs) ។ មួយសប្តាហ៍អ្នកគួរតែសម្រកបានត្រឹម ០.៩០គីឡូ។

២. សម្រកទម្ងន់ដោយបង្កើនសាច់ដុំ

វិធីសម្រកមានច្រើនយ៉ាងណាស់ ហើយការសម្រកទម្ងន់ដោយហាត់ប្រាណបង្កើនសាច់ដុំ ដើម្បីមកជំនួសកន្លែងដែលស្បែកយារធ្លាក់ ហើយក៏អាចជួយអ្នកដុតកាឡូរីបានល្អផងដែរ។

៣. ញ៉ាំអាហារមានគ្រប់ជីវជាតិ

ដើម្បីឲ្យស្បែកអ្នកមានសុខភាពល្អ មិនងាយយារធ្លាក់ សូមទទួលទានអាហារដែលមានជីវជាតិគ្រប់គ្រាន់ ទាំងបន្លែ សាច់ និងផ្លែឈើ ដែលសម្បូរជាតិវីតាមីន A,C, E ផងដែរ។

៤. ឈប់ជក់បារី

ភាពបត់បែននៃស្បែករបស់អ្នកមិនសូវមានប្រសិទ្ធភាពនោះឡើយបើសិនជាអ្នកជក់បារី ព្រោះក្នុងបារីមានសារធាតុនីកូទីន ហើយវាក៏បានរារាំងការនាំយកជីវជាតិឲ្យជ្រាបចូលតាមស្បែករបស់អ្នកផងដែរ លទ្ធផលគឺធ្វើឲ្យមានស្នាមជ្រួញនិងភាពយារធ្លាក់នេះឯង។

៥. ផឹកទឹកឲ្យបានគ្រប់គ្រាន់

ទឹកជាវត្ថុរាជដ៏សំខាន់ ដែលមនុស្សម្នាក់ៗមិនអាចអត់បាននោះទេ ដូច្នេះសូមផឹកទឹកឲ្យបានគ្រប់គ្រាន់ (៣.៧លីត្រ សម្រាប់បុរស និង ២.៧លីត្រសម្រាប់នារី) ដែលអាចជួយឲ្យអ្នកមិនសូវឃ្លានបាន។

៦. ការពារស្បែករបស់អ្នក

កាន់តែអ្នកមានវ័យចំណាស់ ស្បែករបស់អ្នកកាន់តែបាត់បង់ភាពបត់បែន ដោយសារតបាត់បង់កម្រិតខូឡាជែន ដូច្នេះអ្នកត្រូវថែរក្សាស្បែករបស់អ្នកដោយកុំធ្វើឲ្យវាត្រូវកម្ដៅថ្ងៃច្រើនពេក និងហាត់ប្រាណជាប្រចាំ៕  

ប្រភព៖: healthmatch

• ជីវិត
• មេរៀនជីវិត