វណ្ណដា បើកទំព័រថ្មីទៀតហើយ ផលិតកម្ម៤សហការគ្នាសម្រាប់ HipHop ស្រុកខ្មែរ

កម្សាន្ត៖ ថ្មីៗនេះ តារាចម្រៀងរ៉េប ដ៏ល្បីល្បាញប្រចាំប្រទេសកម្ពុជា លោក វណ្ណដា បានបង្ហោះរូបភាព ក៏ដូចជាសារមួយទៅកាន់អ្នកគាំទ្រដែលកំពុងតែទន្ទឹងរងចាំអ្វីថ្មីៗពីលោក។ ជាមួយគ្នានេះ តារាប្រុសរូបនេះ បានបង្ហាញពីអារម្មណ៍របស់លោកថា អារម្មណ៍រំភើប សម្រាប់វិធី HipHop នៅកម្ពុជា។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅក្នុងនោះ វណ្ណដា បានសរសេរថា សូមបើកទំព័រមួយទៀត នេះជាលើកដំបូងក្នុងរយៈជាយូរដែលផលិតកម្មទាំង ៤ ធ្វើការរួមគ្នាដើម្បីកសាងមហាវិថីមួយសម្រាប់ HipHop ជំនាន់ថ្មីនៅស្រុកខ្មែរ។ មិនតែប៉ុណ្ណោះ លោកពិតជាមានមោទនភាពដែលបានឈរនៅក្នុងចំណោមគ្រួសារ Rapper ដែលវាពិតជាអស្ចារ្យមែនទែន។

គួរបញ្ជាក់ផងដែរថា តារារ៉េប វណ្ណដា និង តារារ៉េបល្បីៗប្រចាំប្រទេសកម្ពុជាប៉ុន្មានរូបទៀត នឹងធ្វើជាគណកម្មការនៅក្នុងកម្មវិធី The Rapper ដែលនឹងចាក់បញ្ចាំងឆាប់ៗខាងមុខនេះ៕

ប្រភព៖ Vann Da - វណ្ណដា

• វណ្ណដា
• រូបភាព
• តារាខ្មែរ