គន្លឹះ៤យ៉ាង ជួយឲ្យកូនចេះគ្រប់គ្រងពេលវេលា ប្រកបដោយប្រសិទ្ធភាព

យល់ដឹង៖ ការចេះគ្រប់គ្រងពេលវេលាបានល្អ គឺជាបំណិនដ៏មានតម្លៃសម្រាប់ជីវិត។ ពិតណាស់ ទោះបីជាយើងមានជំនាញផ្ទាល់ខ្លួនហើយក្តី តែបើយើងមិនអាចបញ្ចប់ការងារដែលទាក់ទងនឹងជំនាញនោះឲ្យទាន់ពេលទេនោះ គ្រប់យ៉ាងនឹងប្រែទៅជាឥតប្រយោជន៍ទៅវិញ។ អ៊ីចឹងហើយ ការចេះគ្រប់គ្រងពេលវេលាបានត្រឹមត្រូវ មានសារៈសំខាន់ណាស់ ជាពិសេសនៅពេលដែលយើងកសាងវាតាំងពីនៅវ័យក្មេង។

ដូច្នេះហើយ ដើម្បីបង្រៀនកូនឲ្យចេះគ្រប់គ្រងពេលវេលាបានល្អ ប៉ាម៉ាក់អាចសាកល្បងតាមតិចនិកទាំង៤ខាងក្រោមនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

១. បង្កើតគោលដៅច្បាស់លាស់ និងផ្តល់អាទិភាពលើគោលដៅទាំងនោះ

ប៉ាម៉ាក់ គប្បីណែនាំកូនឲ្យចេះដាក់គោលដៅច្បាស់លាស់ ដែលអាចជួយកូនៗក្នុងការសម្រេចកិច្ចការជាក់លាក់ទាំងនោះ។ នេះជាជំហានទី១ ដែលជំរុញឲ្យកូនគិតពីអ្វីដែលខ្លួនចង់សម្រេចបាន ហើយដឹងពីអ្វីដែលជាកិច្ចការសំខាន់បំផុត។ យើងគួរចំណាយពេលជួយកូនបង្កើតគោលដៅរយៈពេលខ្លី និងវែង ដោយបំបែកគោលដៅទាំងនោះជាកិច្ចការតូចៗ រួចពិភាក្សាពីកិច្ចការអាទិភាព ក៏ដូចជាផ្ដោតទៅលើពេលវេលាកំណត់ និងសារៈសំខាន់។

ចង់គណនាថ្ងៃសម្រាលកូន ចុចទីនេះ !

ចង់គណនាទម្ងន់ស្រ្តីពពោះ ចុចទីនេះ !

ចង់គណនាថ្ងៃមេជីវិតញីទុំធ្លាក់ ចុចទីនេះ !

ចង់ដឹងអត្ថន័យពណ៌ និងរូបរាងលាមកទារក ចុចទីនេះ !

២. បង្រៀនកូនឲ្យចេះកំណត់ពេលវេលា

ការកំណត់ពេលវេលាជាក់លាក់ សម្រាប់ធ្វើកិច្ចការ ឬសកម្មភាពជាក់លាក់ អាចជួយឲ្យកូនធ្វើកិច្ចការនោះជាមួយនឹងការផ្ដោតអារម្មណ៍ពេញលេញ។ ប៉ាម៉ាក់ក៏អាចលើកទឹកចិត្តឲ្យកូនបង្កើតកាលវិភាគប្រចាំសប្តាហ៍ ដែលរួមបញ្ចូលការសម្រាកខ្លះ ដើម្បីកុំឲ្យក្មេងៗមានអារម្មណ៍ធុញទ្រាន់។

៣. ផ្តល់អាទិភាពចំពោះការងារសំខាន់

ការផ្តល់អាទិភាពចំពោះកិច្ចការសំខាន់ៗ អាចជួយឲ្យការគ្រប់គ្រងពេលវេលាកាន់តែមានប្រសិទ្ធភាពខ្ពស់។ ជួយឲ្យកូនដឹងថា មិនមែនរាល់កិច្ចការទាំងអស់សុទ្ធតែសំខាន់នោះទេ ហើយកិច្ចការទាំងនោះសុទ្ធតែមានអាទិភាពផ្សេងៗគ្នា។ គួរជំរុញឲ្យកូនចេះជ្រើសរើសធ្វើកិច្ចការដែលមានអាទិភាពខ្ពស់ដំបូងគេ និងកិច្ចការដែលមិនសូវសំខាន់ជាបន្តបន្ទាប់ ទើបជាការប្រសើរ។

៤. ជំរុញកូនឲ្យចេះទទួលខុសត្រូវលើការគ្រប់គ្រងពេលវេលា

ពិតណាស់ ដើម្បីឲ្យកូនចេះគ្រប់គ្រងពេលវេលាបានល្អ ប៉ាម៉ាក់ត្រូវមានចិត្តអំណត់បន្តិច។ លើកទឹកចិត្តឲ្យកូនៗចេះគ្រប់គ្រងកាលវិភាគរបស់ខ្លួន និងទទួលខុសត្រូវចំពោះការគ្រប់គ្រងពេលវេលា។ ទន្ទឹមនឹងនេះដែរ គួរពិនិត្យកាលវិភាគជាមួយនឹងពួកគេឡើងវិញឲ្យបានញឹកញាប់ ផ្តល់ការណែនាំ និងផ្តល់ជំនួយក្នុងករណីចាំបាច់។ មួយវិញទៀត ប៉ាម៉ាក់ក៏ចាំបាច់ត្រូវពិភាក្សាជារៀងរាល់សប្តាហ៍ ទាក់ទងនឹងកាលវិភាគរបស់កូនៗ និងជជែកពីបញ្ហា ការលំបាក ឬការកែប្រែណាមួយដែលចាំបាច់។ ជាមួយគ្នានេះ យើងក៏គួរឲ្យកូនធ្វើការវាយតម្លៃលើការគ្រប់គ្រងពេលវេលា និងសមត្ថភាពដោះស្រាយបញ្ហារបស់ខ្លួនឯងផងដែរ។

អត្ថបទគួរអាន៖

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕ អត្ថបទផ្ដល់សិទ្ធដោយ៖ Hello Krupet

រូបភាព

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

គន្លឹះ៤យ៉ាង ជួយឲ្យកូនចេះគ្រប់គ្រងពេលវេលា ប្រកបដោយប្រសិទ្ធភាព

១. បង្កើត​គោលដៅ​ច្បាស់លាស់ និង​ផ្តល់​អាទិភាព​លើ​គោលដៅ​ទាំង​នោះ

២. បង្រៀន​កូន​ឲ្យ​ចេះ​កំណត់​ពេលវេលា

៣. ផ្តល់​អាទិភាព​ចំពោះ​ការងារ​សំខាន់

៤. ជំរុញ​កូន​ឲ្យ​ចេះ​ទទួល​ខុសត្រូវ​​លើ​ការ​គ្រប់គ្រង​ពេលវេលា

In Case You Missed It

១. បង្កើតគោលដៅច្បាស់លាស់ និងផ្តល់អាទិភាពលើគោលដៅទាំងនោះ

២. បង្រៀនកូនឲ្យចេះកំណត់ពេលវេលា

៣. ផ្តល់អាទិភាពចំពោះការងារសំខាន់

៤. ជំរុញកូនឲ្យចេះទទួលខុសត្រូវលើការគ្រប់គ្រងពេលវេលា