សុំ១០០លានបានទេ បទ កម្លោះស្រុកខ្មែរ មានអ្នកចូលទស្សនាច្រើនថ្នាក់នេះ

កម្សាន្ត៖​​ ជាការពិតណាស់​​​ នៅក្នុងឱកាសបុណ្យចូលឆ្នាំខ្មែរប្រពៃណីជាតិ​​ ដែលបានកន្លងផុតទៅកាលពីខែមេសាកន្លងទៅនេះ​ លោក​ វណ្ណថាន បានចាប់ដៃគូជាមួយ​ លោក​ វណ្ណដា​ ចេញចម្រៀងថ្មី​ ដែលមានចំណងជើងថា​ កម្លោះស្រុកខ្មែរ​ ធ្វើឲ្យកក្រើកដល់ឆាកអន្ដរជាតិ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លើសពីនោះ​ បទ​ កម្លោះស្រុកខ្មែរ មិនទាន់បាន១ឆ្នាំផង ប៉ុន្ដែបទនេះ ទទួលបានអ្នកទស្សនាក្នុង YouTube ដល់ទៅ ៧៨លាននាក់បាត់ទៅហើយ។ ងាកទៅមើលលោក​ វណ្ណថាន វិញ លោកបានបង្ហោះសារសុំឲ្យហ្វេនៗចូលទស្សនាបទនេះបន្ថែមទៀត ដើម្បីទទួលបាន១០០លាន View បំបែកកំណត់ត្រារបស់លោក។

មិនតែប៉ុណ្ណោះ បើទោះបីជាផុតរដូវបុណ្យចូលឆ្នាំយូរហើយក៏ដោយ ក៏បទ កម្លោះស្រុកខ្មែរ នៅតែមានការពេញនិយមមិនធម្មតា។ គួរបញ្ជាក់ផងដែរថា នេះជាលើកដំបូង ដែល វណ្ណដា និង វណ្ណថាន បានធ្វើបទបែបបុណ្យប្រពៃណីខ្មែរ៕

• វណ្ណដា
• វីដេអូ
• រូបភាព
• តារាខ្មែរ