ជិះកាត់មើលផង ហ្វេន វណ្ណដា ដាក់រូបអបអរថ្ងៃកំណើត លើ LED កណ្ដាលក្រុងធំជាងគេ

កម្សាន្ត៖ ថ្មីៗនេះ អ្នកគាំទ្ររបស់តារាចម្រៀងរ៉េបដ៏ល្បីល្បាញ លោក វណ្ណដា បាននាំគ្នាចាប់ផ្ដើមអបអរថ្ងៃខួបកំណើតរបស់រូបលោកបណ្ដើរៗហើយ។ គួរបញ្ជាក់ផងដែរថា វណ្ណដា បានប្រសូត្រនៅថ្ងៃទី២២ ខែមករា ឆ្នាំ១៩៩៧ មកដល់ឆ្នាំ២០២៤នេះ លោកមានអាយុ២៧ឆ្នាំហើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

កាលពីឆ្នាំ២០២៣កន្លងទៅនេះ​ អ្នកគាំទ្រនៅក្នុងស្រុកខ្មែរបាននាំគ្នាប្រារព្ធពិធីអបអរខួបកំណើតរបស់តារាប្រុសរូបនេះ ដែលចូលរួមដោយហ្វេនយ៉ាងច្រើនកុះករ ហើយក៏មានវត្តមាន វណ្ណដា ចូលរួមកាត់នំខេក និង ធ្វើការអរគុណហ្វេន សំណេះសំណាលគ្នាលេងផងដែរ។

មិនតែប៉ុណ្នោះ ឆ្នាំមុន អ្នកគាំទ្រក៏បានដាក់រូប និង វីដេអូ នៅលើផ្ទាំង LED នៅឯផ្សារទំនើបអូឡាំព្យាម៉ល ដើម្បីជាការអបអរថ្ងៃកំណើតរបស់តារារ៉េបរូបនេះ។ ចំណែកឯ ឆ្នាំ២០២៤នេះ កាន់តែពិសេសទៀត ដោយហ្វេនបានដាក់ រូបលោក នៅលើផ្ទាំង LED Screen នៅឯអាគារ The Bridge ដែលមានទំហំធំជាងឆ្នាំមុនទៀតផង។

ជាមួយគ្នានេះ LED SCREEN ដែលនិងចាក់បញ្ចាំង នឹងចាប់ផ្តើមចាក់នៅម៉ោង 4:31pm ដល់ម៉ោង 7:30pm ពីថ្ងៃទី 20 21 22 23 ខែមករា ឆ្នាំ2024។ ជាពិសេស អ្នកគាំទ្រក៏បាននាំគ្នាបង្កើតនូវកម្មវិធីជួបជុំគ្នា ដើម្បីអបអរថ្ងៃកំណើតតារារ៉េបម្ចាស់បទ អីតែមិនអី រូបនេះ រួមជាមួយនឹងកម្មវិធីកម្សាន្តសប្បាយៗ ដែលសុទ្ធសឹងតែអ្នកគាំទ្រជាអ្នកបង្កើត៕

ប្រភព៖ THE VANNDA

• វណ្ណដា
• រូបភាព
• តារាខ្មែរ