ដើមឆ្នាំថ្មី វណ្ណដា ប្រកាស់ចាប់ដៃជាមួយតារារ៉េបជប៉ុន សួរហ្វេនគួរទម្លាក់បទថ្មីថ្ងៃណា? (មានវីដេអូ)

កម្សាន្ត៖ ជាការពិតណាស់ កាលពីពេលកន្លងទៅនេះ តារាចម្រៀងរ៉េប ដ៏ល្បីល្បាញប្រចាំប្រទេសកម្ពុជា លោក វណ្ណដា បានធ្វើឲ្យហ្វេនមានក្ដីរំភើបរីករាយ ជាមួយនឹងការបង្ហាញវត្តមានរបស់ លោកជាមួយនឹង តារារ៉េបជប៉ុន AWICH លើឆាកតន្ត្រី ច្រៀងរួមគ្នាកក្រើកឆាក។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ទន្ទឹមនឹងទទួលបានការគាំទ្រយ៉ាងខ្លាំងក្លាពីអ្នកគាំទ្រ វណ្ណដា ធ្លាប់បាននិយាយនៅលើឆាកតន្ត្រីនោះថា ច្រៀង Mash up ជាមួយតារារ៉េបជប៉ុនរូបនេះ មិនទាន់គ្រប់គ្រាន់ទេ លោកត្រូវការសហការចេញចម្រៀងជាមួយគ្នា ដែលវាកាន់តែធ្វើឲ្យអ្នកទស្សនានៅទីនោះបង្កសម្លេងស្រែកហ៊ោទាំងក្ដីរំភើប។

ជាមួយគ្នានេះដែរ តារារ៉េបរូបនេះ​ បានទម្លាក់ Poster នៃចម្រៀងដែលនឹងចេញថ្មីនេះហើយ ដែលចម្រៀងមានចំណងជើងថា ៦ Year In The Game ដែលមានវត្តមាន AWICH ផងដែរ។ គួរបញ្ជាក់ផងដែរថា បទថ្មី នឹងចេញនៅថ្ងៃទី២២ ខែមករា ខាងមុខនេះ ដោយលោកបានទម្លាក់តម្រុយប្រាប់ហ្វេនតាមរយៈការបង្ហោះសាររួចមកហើយ ចាំមើលថា តើបទថ្មីនេះ មានអត្ថន័យពិរោះយ៉ាងណា៕

ប្រភព៖ Vann Da - វណ្ណដា

• វណ្ណដា
• វីដេអូ
• រូបភាព
• តារាខ្មែរ