មាន សូនីតា ប្រាប់ពីអារម្មណ៍លើកទីមួយដែលថើបមាត់ ហ្សូណូ ស្និទ្ធខ្លាំងបែបនេះ...

រឿងភាគបែបទេពមច្ឆាដំបូងក្នុងស្រុកដ៏គួរឲ្យទាក់ទាញបានចាក់ផ្សាយជូនទស្សនានៅលើកញ្ចក់ទូរទស្សន៍ដ៏ពេញនិយម ហង្សមាស​ HDTV រៀងរាល់ថ្ងៃចន្ទ អង្គារ ពុធ ម៉ោង 7-8 យប់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

រឿង «មេឆា» មានតួឯកដល់ទៅបីរូបដែលសុទ្ធតែជាកំពូលតារាលំដាប់ប្រទេសដូចជា លោក ឆន សុវណ្ណារាជ លោក ហ្សូណូ និងកញ្ញា មាន សូនីតា។ ជារឿងភាគទីមួយបែបត្រីខ្លួនមនុស្ស ឬភាសាសាមញ្ញហៅថានាងមច្ឆានោះ ទស្សនិកជនជាច្រើនបានលើកសរសើរនិងកំពុងតាមដានយ៉ាងខ្លាំងចំពោះរឿងភាគមួយនេះ។

នេះមិនមែនជាលើកទីមួយទេដែលកញ្ញា មាន សូនីតា សម្តែងរឿងប៉ះជាមួយតារាចម្រៀងរូបសង្ហារ ហ្សូណូ ដែលកាលពីឆ្នាំទៅអ្នកទាំងពីរក៏បានសម្តែងជាមួយគ្នាក្នុងរឿងភាគបែបបុរាណ «ខោល» របស់ទូរទស្សន៍ ហង្សមាស ដូចគ្នា។

ចំពោះជំនួបជាថ្មីរបស់កំពូលតារាចម្រៀងនិងសម្តែងទាំងពីរនេះឃើញថាប៉ុន្មានភាគដំបូងប៉ុណ្ណោះ មាន សូនីតា មានឈុតថើបមាត់ជាមួយ ហ្សូណូ ច្រើនគួរសមដែលសុទ្ធតែជាការថើបពិតៗមិនកាត់តហើយ ថែមទាំងថើបបែបស្និទខ្លាំងទៀតផង។

កញ្ញា មាន សូនីតា បានបញ្ជាក់ប្រាប់ថាទោះបីជានាងនិងលោកហ្សូណូស្គាល់គ្នាយូរហើយ ធ្លាប់រួមការងារជាមួយគ្នាច្រើនក៏ពិតមែន តែក្នុងរឿង «មេឆា» នេះគឺជាលើកទីមួយហើយ ដែលសម្តែងប៉ះឈុតថើបមាត់គ្នាច្រើនដងហើយថែមទាំងត្រូវថើបឲ្យស្និទ្ធខ្លាំងទៀត។ កញ្ញាបានបន្ថែមទៀតថាទោះបីវាជាការសម្តែងក៏ពិតមែន តែអារម្មណ៍អៀនគឺពិតជាមានហើយអៀនយ៉ាងខ្លាំងទៀតផង។ តែយ៉ាងណាមិញសម្រាប់កញ្ញានិងលោកហ្សូណូមានភាពស្និទ្ធស្នាលស្ទើតែដូចបងប្អូនទៅហើយ។

គួរបញ្ជាក់ផងដែរថារឿង «មេឆា» កំពុងតែមានការចាក់ផ្សាយជូនទស្សនានូវរៀងរាល់ថ្ងៃចន្ទ អង្គារ ពុធ វេលាម៉ោង 7-8 យប់ នៅលើកញ្ចក់ទូរទស្សន៍ ហង្សមាស HDTV ៕

• មាន សូនីតា
• ហ្សូណូ
• តារាខ្មែរ