អាយដលជិតការហើយចុះហ្វេនៗវិញ? ជី​ ដេវីត​ និង ទេព ​បូ​ព្រឹក្ស​ ប្រកាសចូលរោងការថ្ងៃទី ៧ ខែមិថុនា ខាងមុខនេះហើយ!

ភ្នំពេញ៖ កាលពីថ្មីៗនេះ កំពូលតារារ៉េបលោក ជី​ ដេវីត ធ្វើការបង្ហោះ នៅលើបណ្តាញសង្គមពី ឲ្យប្រផ្នូលជាដំណឹងគួរឲ្យអបអរសារទរ នៃគម្រោងរៀបមង្គលការរបស់លោក និងតារាចម្រៀង ទេព ​បូ​ព្រឹក្ស​ ដោយប្រព្រឹត្តិទៅ នៅថ្ងៃទី ៧ ខែមិថុនា ឆ្នាំ ២០២៥ ឆ្នាំក្រោយ។

យោងតាម គេហទំព័រហ្វេសប៊ុក របស់តារាប្រុសរូបនេះ បានចែកចាយ រូបថតជាច្រើនសន្លឹក ដែល​រៀប​ចំ​ពិធី​ប្រកាស​ថ្ងៃ​រៀប​មង្គល​ការ​​លើ​ឆ្នេរ​ខ្សាច់​ស​ក្បុស​យ៉ាង​រូមែនទិក​ ធ្វើឲ្យអ្នកអត់គូល្មមៗ លួចមានចិត្តច្រណែនគ្រប់ៗគ្នា ជាពិសេសនោះត្រូវបានគេមើលឃើញថា អ្នកទាំងពីរ មានសម្រស់ស្រស់សង្ហា ស្រស់ស្អាតតែម្តង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ ក្រោយពីឃើញបែបនេះ មានប្រិយមិត្តជាច្រើន ចូលរួម អបអរសារទរ និងជូនពរអ្នកពីរ ស្រលាញ់គ្នាកាន់តែខ្លាំង ថែមទាំងទទួលបានការ ចូលចិត្ត និងបានចែករំលែកការបង្ហោះមួយនេះ រាប់ពាន់ដងដូច្នេះដែរ៕

• ទេព បូព្រឹក្ស
• ងួន ចាន់ដេវីត
• តារាខ្មែរ