នៅសុខៗអ្នកនិពន្ធ កៅ សីហា រំលឹករឿងចាស់ បង្ហោះវីដេអូ របស់ប៊ុត សីហា (មានវីដេអូ)

ភ្នំពេញ៖ អ្នកនិពន្ធដ៏ល្បីឈ្មោះ នៅក្នុងផលិតកម្មហង្សមាស លោកកៅ សីហា នៅសុខៗស្រាប់តែលោកបង្ហោះវីដេអូ រំលឹកពីប៊ុត សីហា ស្របពេលដែលតារាមួយចំនួននៅក្នុងផលិតកម្មហង្សមាស ចាប់ផ្តើមថតបទចម្រៀងសម្រាប់ចូលឆ្នាំខ្មែរ។

ជាការពិតណាស់ ក្រោយពីផ្ទុះរឿងរ៉ាវជាច្រើន ពេលនេះម្ចាស់ពានរង្វាន់ The Voice Cambodia លោកប៊ុត សីហា ជួបទុក្ខធំមួយទៀតម្តាយក្មេកធ្លាក់ខ្លួនឈឺ ស្របពេលដែលតារារូបនេះ ជាបន្ទុកទាំងមូលសម្រាប់គ្រួសារទាំងសងខាង។

ជាមួយគ្នានេះដែរ ការបាត់បង់ឱកាសដ៏ធំរបស់លោក ធ្វើឲ្យអ្នកគាំទ្រ ក៏ដូចជាគ្រួសារមានការសោកស្តាយយ៉ាងខ្លាំង ជាក់ស្តែងកាលពីថ្មីៗនេះ លោកកៅ សីហា អ្នកនិពន្ធដ៏ល្បីឈ្មោះបានបង្ហោះវីដេអូចម្រៀងចាស់របស់ប៊ុត សីហា ក្នុងពិធីចូលឆ្នាំខ្មែរ កាលពីប៉ុន្មានឆ្នាំមុនគឺបទ «ខ្ញុំម៉ាអែម» និង«ចូលឆ្នាំថ្មីរកសង្សារឲ្យបាន»ធ្វើឲ្យអ្នកគាំទ្រជាច្រើនស្រណោះ នឹកឃើញដល់រូបលោកយ៉ាងខ្លាំង ខណៈពេលដែលតារាជាច្រើននាំគ្នាចេញចម្រៀងព្រោងព្រាត។

ស្របពេលជាមួយគ្នានេះដែរ អ្នកគាំទ្រ គិតថា បើសិនជាលោកអាចនៅច្រៀងប្រាកដជាទទួលបានការគាំទ្រខ្លាំងមិនខាន បូករួមជាមួយនឹងការសោកស្តាយ និងអាណិតដល់រូបលោកមិនស្ទើរនោះទេ៕

សូមទស្សនាវីដេអូខាងក្រោមនេះ៖ 

• ប៊ុត សីហា
• វីដេអូ
• តារាខ្មែរ