ត្រៀមសប្បាយហើយ ឬនៅ? ផ្សារទំនើប The Park Community Mall នឹងរៀបចំ «សង្រ្កាន្ត The Park បឹងស្នោ» ចាប់ពីថ្ងៃទី៥ ដល់ថ្ងៃទី៧ ខែមេសា ខាងមុខនេះ!

ភ្នំពេញ៖ ដើម្បីចូលរួមអបអរសាទរពិធីបុណ្យចូលឆ្នាំថ្មីប្រពៃណីខ្មែរខាងមុខនេះ ផ្សារទំនើប The Park Community Mall នឹងរៀបចំព្រឹត្តិការណ៍ «សង្រ្កាន្ត The Park បឹងស្នោ» សម្រាប់អតិថិជន ក៏ដូចជាប្រជាពលរដ្ឋខ្មែរទាំងមូលចូលរួមសប្បាយ។

ព្រឹត្តិការណ៍ដ៏រីករាយនេះ នឹងធ្វើឡើងក្នុងរយៈពេល ៣ ថ្ងៃ ចាប់ពីថ្ងៃទី ៥ ដល់ថ្ងៃទី ៧ ខែមេសា នៅផ្សារទំនើប The Park Community Mall ដែលមានទីតាំងស្ថិតនៅផ្លូវជាតិលេខ ១ សង្កាត់និរោធ (បឹងស្នោ) ខណ្ឌច្បារអំពៅ រាជធានីភ្នំពេញ (ទល់មុខបុរីប៉េងហួតបឹងស្នោ)។ 

បើតាមលោកស្រី លាង វិនីត្យ ដែលតំណាងឱ្យផ្សារទំនើបនេះបានឱ្យដឹងថា៖

«គោលបំណងនៃការរៀបចំ “សង្រ្កាន្ត The Park បឹងស្នោ” គឺដើម្បីចូលរួមចំណែកអបអរសាទរពិធីបុណ្យចូលឆ្នាំថ្មី ក៏ដូចជាចូលរួមថែរក្សា និងលើកតម្កើងវប្បធម៌ ប្រពៃណីទំនៀមទម្លាប់ខ្មែរ។ នៅក្នុងព្រឹត្តិការណ៍ដ៏រីករាយនេះ នឹងមានកម្មវិធីជាច្រើនដូចជា ការរាំតាមចង្វាក់ប្រពៃណីខ្មែរ ការលេងល្បែងប្រជាប្រិយខ្មែរ ការសម្ដែងសិល្បៈបុរាណខ្មែរជាច្រើនទម្រង់ ការតាំងបង្ហាញរូបក្បាច់គុនល្បុក្កតោបុរាណប្លែកៗ និងការប្រគុំតន្រ្តី ជាពិសេសមានការលេងបាញ់ទឹកយ៉ាងសប្បាយរីករាយផងដែរ។ ក្រៅពីនេះក៏មានស្តង់លក់ចំណីអាហារ និងទំនិញជាច្រើនសន្ធឹកសន្ធាប់ជាមួយនឹងប្រូម៉ូសិនយ៉ាងពិសេស»។

សូមបញ្ជាក់ថា នេះជាលើកដំបូងដែលផ្សារទំនើប The Park Community Mall បានរៀបចំព្រឹត្តិការណ៍ “សង្រ្កាន្ត The Park បឹងស្នោ”។ The Park Community Mall គឺជាផ្សារទំនើបដែលលោកអ្នកអាចញុំាអាហារ លំហែកាយ ជាមួយនឹងបរិស្ថានស្អាតប្រកបដោយផាសុកភាព និងទិញទំនិញពីហាងជាច្រើន ដែលមាននៅទីនោះ។
លោកអ្នកអាចស្វែងរកទីតាំងផ្សារទំនើប The Park Community Mall តាមរយៈ Google Map ដោយគ្រាន់តែចុចតំណភ្ជាប់ត្រង់នេះ https://goo.gl/dJkFuM ៕