មិនមែនលំៗទេ តារាស្រីជើងចាស់៣រូបនេះ ជាម្ចាស់ហាងតម្លៃរាប់ស៊ិបម៉ឺនដុល្លារ

រាជធានីភ្នំពេញ ៖ ពិតណាស់ តារាស្រីវ័យច្រើនមិនចេះចាស់ទាំង៣ អ្នកនាងគង់ សុជាតិ ខាត់ សុឃីម និងយុគ ចិន្តា រូបនេះ ជាអ្នកដែលមានឈ្មោះល្បីល្បាញទាំងក្នុងវិស័យសិល្បៈនិង ការធ្វើជំនួញ។ ដូចដែរចឹងស្រាប់ហើយថា ពួកគាត់សុទ្ធតែជា​ តារាស្រីដែលមានឈ្មោះបោះសម្លេងនិងមានមនុស្សម្នាជាច្រើនបានស្គាល់ បើប្រៀបធៀបនឹងតារាផ្សេងៗដែលឋិតក្នុងជំនាន់ជាមួយនោះ។

ទោះបីជា មានឈ្មោះបោះសម្លេងក្នុងអាជីពក៏ដោយ តែគេក៏ឃើញពួកគាត់បានបង្កើតអាជីវកម្ម បើកហាង ជាបន្តបន្ទាប់។ នេះសបញ្ជាក់ថា មិនត្រឹមតែមានភាពជោគជ័យលើអាជីពប្រចាំខ្លួនឡើយ អ្នកទាំង៣រូបនេះ ថែមទាំងជោគជ័យខ្លាំងក្នុងរបររកស៊ីទៀត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នេះជាគម្រូមួយយ៉ាងល្អ សម្រាប់សុភាពនារីទាំងឡាយ បើទោះបីពួកគាត់ជាស្រីមែនពិត ជាប់រវល់ការងារអាជីពខ្លួនខ្លាំងយ៉ាងណា តែពួកគាត់ក៏នៅតែអាចឆ្លៀតពេលគិតគូរពីការរកស៊ី​ បើកដំណើរការហាងផ្ទាល់ខ្លួនថែមទៀត។

ចង់ដឹងឲ្យកាន់តែច្បាស់​នោះ តោះទៅមើលអត្ថបទខាងក្រោម ៖

១. អ្នកនាង ខាត់ សុឃីម

បើទោះបី ជាអ្នកនាងមានភាពមមាញឹកក្នុងការងារសិល្បៈ។ តែដូចអ្នកទាំងអស់គ្នាបានដឹងហើយ ថារូបគាត់បានបង្កើតក្រុមតន្ត្រីបុរាណ​ សម័យមួយដែលមានការគាំទ្រយ៉ាងខ្លាំងពីសំណាក់ប្រជាជនខ្មែរ។ មិនទាន់អស់ទេ រូបគាត់ក៏ជាម្ចាស់ហាងលក់គ្រឿងសម្រស់មួយឈ្មោះ Mochy Cosmetics  មិនត្រឹមតែប៉ុណ្ណោះ គួរឲ្យដឹងថាអ្នកនាងក៏មានអាជីវកម្មតូចៗជាច្រើនទៀត។

២.អ្នកនាង ខាត់ សុឃីម

ពិតណាស់ អ្នកនាង គង់ សុជាតិ ជាសិល្បការិនីម្នាក់ ដែលជោគជ័យខ្លាំងក្នុងវិថីសិល្បៈ  ក្នុងពេលបច្ចុប្បន្ននេះ រូបអ្នកនាងជាពិធីការិនីដែលកំពុងមានប្រជាប្រិយភាពខ្លាំង ដែលតែងតែឃើញវត្តមានក្នុងកម្មវិធីធំៗ។ ជាមួយគ្នានេះ អ្នកនាងក៏ជាម្ចាស់ហាងសាឡនធំមួយកន្លែ ងដែលមានឈ្មោះថា Socheat Beauty Salon& School។ 

៣.អ្នកនាង យុគ ចិន្តា

ស្របពេល មានភាពជោគជ័យខ្លាំងក្នុងអាជីពជាពិធីការិនីនេះ អ្នកនាង យុគ​ ចិន្តាក៏មិនភ្លេចងាកមកមើលពីការរកស៊ីដែរ។ អ្វីដែលឡូយនោះគឺ រូបអ្នកនាង បានបើកភោជនីយដ្ឋានមួយកន្លែងក្នុងរាជធានីភ្នំពេញ យីហ៊ោ ស្លឹកឈូក។ ជាមួយគ្នានេះ អ្នកនាងក៏បានបង្កើតហាងកាត់ដេរសម្លៀកបំពាក់ឈ្មោះ​ អម រចនាម៉ូត ដែលរាល់ម៉ូតខោអាវនៅទីនោះទាំងអស់ ជាស្នាដៃច្នៃផ្ទាល់របស់អ្នកនាង៕

• ខាត់ សុឃីម
• យុគ ចិន្តា
• គង់ សុជាតិ
• ជំនួញ
• តារាខ្មែរ