សង្សារ Goal! ជិតដល់ថ្ងៃបុណ្យនៃក្តីស្រលាញ់ភ្លាម ដេវីត ជះលុយរាប់ពាន់ ទិញកាដូឲ្យ បូព្រឹក្ស (មានវីដេអូ)

រាជធានីភ្នំពេញ ៖ ពិតណាស់ ជារៀងរាល់ឆ្នាំ ក្នុងខែកុម្ភៈនេះ គឺមានថ្ងៃបុណ្យនៃក្តីស្រលាញ់ ដែលគេឃើញមនុស្សភាគច្រើនបានប្រារព្ធធ្វើ ក្នុងន័យផ្សេងៗគ្នា ដោយខ្លះប្រារព្ធទិវានេះជាមួយលោកប៉ា អ្នកម៉ាក់ ហើយខ្លះទៀតជាមួយនឹងគូស្នេហ៍របស់ខ្លួន។

តែងាកមកមើលពី តារារ៉េបល្បី លោក ងួន ចាន់ដេវីត វិញ គ្រាន់តែបើកឆាកខែកុម្ភៈភ្លាម លោកក៏បានទិញកាដូជូនដល់គូស្នេហ៍របស់ខ្លួន គឺ តារាចម្រៀងស្រីល្បី ទេព បូព្រឹក្សផងដែរ។ ពិតណាស់ អ្នកទាំងពីរពិតជាផ្អែមល្អែមខ្លាំងណាស់ ដោយការទិញការដូជូនគ្នាទៅវិញទៅមក។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គួរបញ្ជាក់ផងដែរថា លោក  ដាវីដ បានជះលុយញើសឈាមខ្លួន ទៅទិញកាដូជូនគូស្នេហ៍ខ្លួន អស់រាប់ពាន់ដុល្លារក្នុងមួយពព្រិចភ្នែក។ ដូចគ្នានេះដែរ គួរបន្ថែមថា កាដូរាប់ពាន់ដុល្លារនោះ គឺមានកាបូបយួរដៃ តម្លៃកប់ BURBERRY មួយ និងស្បែកជើងយីហ៊ោល្បី BALENCIAGA មួយសម្រាប់ សរុបទាំងអស់សឹងតែ៥ពាន់ដុល្លារទៅហើយ។ ដូចគ្នា តារាចម្រៀងទេព បូព្រឹក្សក៏បានទិញស្បែកជើងយីហ៊ោល្បីនេះ ជូនទៅ គូស្នេហ៍ខ្លួនដែរ ៕

បើចង់ដឹងឲ្យកាន់តែច្បាស់នោះ តោះទៅមើលវីដេអូខាងក្រោម៖

• ទេព បូព្រឹក្ស
• ងួន ចាន់ដេវីត
• ម៉ូត
• ស្នេហា
• ជីវិត
• រូបភាព
• តារាខ្មែរ