ចង់សន្លប់! ក្រោយឃើញសម្រស់ Idol ជី ដេវីត និងទេព បូព្រឹក្ស កាលជំនាន់ឆ្នាំ២០១០

ភ្នំពេញ: ពុកម៉ែ បងប្អូន ​និងទស្សនិកជន ព្រមទាំងប្រិយមិត្ត និងហ្វេនៗទាំងអស់ពិតជាបានស្គាល់នូវ តារាចម្រៀងគូស្នេហ៍មួយគូរដ៏ល្បីលំដាប់ប្រទេស គឺ លោក ជី ដេវីត និងកញ្ញា ទេព បូព្រឹក្ស ដែលអ្នកទាំងពីរ មិនត្រឹមតែមានសមត្ថភាព និងទេពកោសល្យតែប៉ុណ្ណោះទេ ប៉ុន្តែអ្នកទាំងពីរក៏មានសន្ទុះការគាំទ្រ ដែលទទួលបានប្រជាប្រិយខ្លាំងនៅក្នុងស្រទាប់យុវវ័យផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ កាលពីពេលថ្មីៗនេះ នៅក្នុងគណនីហ្វេសប៊ុក របស់កញ្ញា ទេព បូព្រឹក្ស បានបង្ហោះរូបរបស់កញ្ញា និងជី ដេវីត ដែលត្រូវជាគូស្នេហ៍ នៅលើបណ្តាញសង្គមហ្វេសប៊ុក ដែលរូបនោះ គឺថតតាំងតែពីនៅក្នុងកំឡុងឆ្នាំ២០១០មកម្ល៉េះ។

ការបង្ហោះរូបថតមួយសន្លឹកនេះ ក៏ទទួលបានការភ្ញាក់ផ្អើល និងផ្ទុះការសរសើរយ៉ាងខ្លាំងចំពោះសម្រស់របស់អ្នកទាំងពីរ កាលពីនៅក្មេង ដែលអ្នកទាំងពីរ មានសម្រស់ស្រស់ស្អាត មិនខុសពីពេលបច្ចុប្បន្នប៉ុន្មានទេ រីឯមហាជន ដែលជាហ្វេនៗរបស់ជី ដេវីត មួយចំនួនក៏បានបង្ហាញអារម្មណ៍ផងដែរថា Idol ខ្លួននៅតែស្គមដដែលរហូតមកទល់បច្ចុប្បន្ន។

គួររំលឹកផងដែរថា ទាំង ដេវីត និងទេព បូព្រឹក្ស អ្នកទាំងពីរ សុទ្ធសឹងតែជាតារាចម្រៀងដែលមានសមត្ថភាព ជាពិសេសកាលពីពេលថ្មីៗនេះ អ្នកទាំងពីរក៏បានចេញបទចម្រៀងរ៉េប ម្នាក់មួយបទ បង្កជាការភ្ញាក់ផ្អើលយ៉ាងខ្លាំងពីសំណាក់ហ្វេនៗរបស់អ្នកទាំងពីរ៕

• ទេព បូព្រឹក្ស
• ងួន ចាន់ដេវីត
• ស្នេហា
• រូបភាព
• តារាខ្មែរ