បន្ទាប់ផ្ទុះការឆ្លងកូវីដ១៩ ក្នុងរង្វង់អ្នកសិល្បៈរួច ចិត្ត កញ្ចនា ចេញជាវីដេអូ សំណូមពរប្រជាជនថា... (មានវីដេអូ)

ភ្នំពេញ៖ ក្នុងថ្ងៃនេះ គឺមានដ៏ភ្ញាក់ផ្អើលបានកើតឡើង ដោយការផ្ទុះកូវីដ១៩ ដំបូងបង្អស់ក្នុងចំណោមអ្នកសិល្បៈនៅប្រទេសកម្ពុជា ដែលធ្វើឲ្យ តារាចម្រៀង ចិត្ត កញ្ចនា បានចេញមុខមក ធ្វើជាវីដេអូ ដើម្បីឲ្យមានការប្រុងប្រយ័ត្នបន្ថែម ជាពិសេសនោះ គឺកុំទម្លាក់បន្ទុកទៅអ្នកដទៃទៀត ចំពោះការឆ្លងវីរុសនេះ។

ដោយឡែក តារាស្រីរូបនេះ បានធ្វើជាវីដេអូខ្លីមួយ ដើម្បីដាស់តឿនបន្ថែមទៅកាន់បងប្អូនជនរួមជាតិទាំងឡាយ កុំឲ្យមានការជ្រួលច្របល់ខ្លាំង ដោយរក្សាការតាំងស្មារតីឲ្យនឹងនរនឹង ប្រឈមមុខទៅនឹង ស្ថានភាពតឹងតែងនេះទាំងអស់គ្នា ដោយអនុវត្តតាមក្បួនអនាម័យរបស់ក្រសួងសុខាភិបាលផងដែរ។ ក្រៅពីនេះទៀត កញ្ញាក៏បានបន្ថែមទៀតថា​ សូមកុំបន្ទោសឬ ដាក់សម្ពាធទៅនរណាម្នាក់ដែលមានជំងឺនេះ ព្រោះថាគ្មាននរណាចង់ឆ្លងនូវជំងឺនេះឡើយ ផ្ទុយទៅវិញ ពួកគេគួរតែទទួលបានការលើកទឹកចិត្តពិមហាជនទៅវិញនោះទេ ដោយសារពួកគេក៏ជាជនរងគ្រោះដោយសារវីរុសនេះដូចអ្នកផ្សេងៗទៀតដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាចុងក្រោយ ស្រីស្អាត ចិត្ត កញ្ចនា បានសុំឲ្យបងប្អូនទាំងអស់គ្នា រក្សាក្បួនអនាម័យដូចជា ការលាងដៃញឹកញ៉ាប់ ពាក់ម៉ាស ពេលចេញក្រៅនិង ក្បួនធ្វើអង្គបដិបក្ខមានភាពរឹងមាំដូចជា ធ្វើលំហាត់ប្រាណនិង បរិភោគផ្លែឈើនិង ទឹកក្តៅឲ្យបានច្រើន ដើម្បីឲ្យរាងកាយយើងមានប្រសិទ្ធក្នុងការកាត់បន្ថយការឆ្លងជំងឺបាន៕

សូមចូលទស្សនារូបភាពនិង វីដេអូខាងក្រោម៖

• ចិត្ត កញ្ចនា
• យុវវ័យ
• តារាខ្មែរ