កក្រើក! ត្រឹមតែជាង១ថ្ងៃសោះ បទថ្មី ដួង វីរ:សិទ្ធិ ទទួលបានការគាំទ្រ ខ្លាំងដល់ម្លឹង (មានវីដេអូ)

ភ្នំពេញ: លោក ដួង វីរ:សិទ្ធិ ដែលពុកម៉ែ បងប្អូន និងទស្សនិកជនបានស្គាល់ថា ជាតារាចម្រៀងប្រុសម្នាក់ ដែលមានសមត្ថភាព និងទេពកោសល្យ ព្រមទាំងមានទឹកដមសម្លេងដ៏ស្រទន់ ក្រអួនក្រអៅដក់ជាប់នៅក្នុងដួងចិត្តរបស់អ្នកដែលតែងតែនិយមតាមដានស្តាប់ និងគាំទ្រនៅរាល់ទាំងបទចម្រៀងរបស់លោកនោះ ថ្មីៗនេះ ក្រោយពីលោកបានធ្វើការផ្លាស់ប្តូរកុងត្រាមកកាន់ផលិតកម្មថ្មី យើងសង្កេតឃើញថា លោកមានសន្ទុះនៃការគាំទ្រយ៉ាងកក្រើក ពីសំណាក់ហ្វេនៗរបស់លោក ជាពិសេសគឺបូករួមទាំងប្រជាជនគ្រប់ស្រទាប់វណ្ណ: ដែលជាអ្នកនិយមគាំទ្រ នៅរាល់ទាំងស្នាដៃរបស់លោកផ្ទាល់តែម្តង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ កាលពីពេលថ្មីៗនេះ នៅក្នុងគេហទំព័រហ្វេសប៊ុកផ្លូវការរបស់ផលិតកម្មរាម បានបញ្វេញនូវវីដេអូចម្រៀងដំបូងរបស់លោក ដួង វីរ:សិទ្ធិ ដែលមានចំណងជើងថា បទ«ឆ្នេរអនុស្សារ» ដែលត្រឹមតែរយ:ពេលជាង២៤ ម៉ោងសោះ ចម្រៀងដំបូងដ៏សែនពីរោះរបស់លោក ដួង វីរ:សិទ្ធិ នេះមានអ្នកចូលទស្សនាលើគណនីយូធូបរបស់ផលិតកម្ម រហូតទៅដល់៦២ពាន់ដង ដែលនេះក៏ជាកំណត់ត្រាមួយដ៏គួរឲ្យកត់សម្គាល់ផងដែរ៕

ចង់ដឹងថាតើ​ បទថ្មីរបស់លោក ពិរោះយ៉ាងណានោះ សូមទស្សនាវីដេអូចម្រៀង និងរូបភាពខាងក្រោម៖

• ដួង វីរៈសិទ្ធ
• ចម្រៀង
• វីដេអូ
• រូបភាព