បានទាំងសម្រស់ និងសមត្ថភាព Miss Universe រ៉េត សារីតា និយាយភាសាបរទេស យ៉ាងស្ទាត់ជំនាញ (មានវីដេអូ)

កម្សាន្ត៖ ពិតណាស់ ដូចពុកម៉ែបងប្អូន និង អ្នកគាំទ្រ ជ្រាបរួចមកហើយថា កញ្ញា រ៉េត សារីតា​ គឺជាបេក្ខភាពបវរកញ្ញាតំណាងឱ្យកម្ពុជា ប្រកួតប្រជែងនៅកម្មវិធី Miss Universe ២០២១ ដែលធ្វើឡើងនៅលើទឹកដីនៃសហរដ្ឋអាមេរិក។

តាមការសង្កេតរបស់មហាជន ឃើញថា បវរកញ្ញារូបនេះ ពិតជាមានរូបសម្រស់ស្រស់ស្អាត ហើយថែមទាំងមានសមត្ថភាពខាងចំណេះដឹង ដែលធ្វើឱ្យអ្នកគាំទ្រ កញ្ញា រ៉េត សារីតា ផ្តល់ការកោតសរសើរ និង ទំនុកចិត្ត និង​ក្តីសង្ឃឹមចំពោះនាង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តាមរយៈវីដេអូ Up Close របស់ Miss Universe បានបញ្ចេញវីដេអូមួយ ដែលបានបង្ហាញបវរកញ្ញាតំណាងកម្ពុជា រ៉េត សារីតា និយាយណែនាំខ្លួន និង ប្រទេសកំណើតរបស់ខ្លួន ។ ក្នុងនោះដែរ បវរកញ្ញារូបនេះ បានបង្ហើរសំនៀងជាភាសាអង់គ្លេសបានយ៉ាងស្ទាត់ជំនាញ និងគួរជាទីស្ងប់ស្ងែង​ និងដូចសំនៀងជនជាតិដើមតែម្តងហើយ ទោះបីជាភាសានេះ មិនមែនជាភាសាកំណើតរបស់នាងក្តី។

គួរបញ្ជាក់ផងដែរថា អ្វីដែលគេសង្កេតឃើញស្ងប់ស្ងែង និង សរសើរមិនដាច់ពីមាត់ចំពោះនាងនោះគឺ បវរកញ្ញារូបនេះមិនត្រឹមតែមានសម្រស់ដ៏ស្អាតផូរផង់បែបធម្មជាតិប៉ុណ្ណោះទេ តែកញ្ញាថែមទាំងមានសមត្ថភាពនិង ទេពកោសល្យនិយាយភាសាបរទេសបាន ៣ភាសា រួមមានដូចជា ភាសាខ្មែរ ភាសាអង់គ្លេស និង ភាសាបារាំងទៀតផង៕

ដើម្បីជ្រាបកាន់តែច្បាស់ សូមទស្សនារូបភាព និង​វីដេអូខាងក្រោម៖

• រ៉េត សារីតា