ឈុតស្អាតៗ របស់បវរកញ្ញា កម្ពុជា រ៉េត សារីតា ខណៈពេលធ្វើដំណើរ ទៅកាន់អាមេរិក និងពេលទៅដល់

សហរដ្ឋអាមេរិច៖ ជាការពិតណាស់ កាលពីថ្ងៃទី ២៣ ខែមេសា ឆ្នាំ ២០២១ បវរកញ្ញា រ៉េត សារីតា បានធ្វើដំណើរចាកចេញពីមាតុភូមិកម្ពុជាហើយ ក្នុងគោលដៅឆ្ពោះទៅកាន់ទឹកដីសហរដ្ឋ អាមេរិក ដើម្បីត្រៀមចូលរួមប្រកួតកម្មវិធី Miss Universe ២០២០ ដែលគ្រោងនឹងប្រព្រឹត្តទៅនៅឯរដ្ឋផ្លរីដា សហរដ្ឋអាមេរិក។ 

យ៉ាងណាមិញ មុនពេលចេញទៅកាន់ការប្រកួតនៅឯសហរដ្ឋអាមេរិច  នាងបានបង្ហោះរូបភាព ជាច្រើនសន្លឹក នៅឯព្រលានយន្តហោះ ដែលនាងបានឈរកាន់ ទន់ជាតិខ្មែរ ដោយពោរពេញ ទៅដោយស្នាមញញឹម ដ៏ស្រស់ស្អាត បូករួមទាំងបង្កប់ ទៅដោយភាពជឿជាក់ ក្នុងនាមជាស្ត្រីខ្មែរមួយរូប ទៀតផង ដែលធ្វើឱ្យសារីតា ទទួលបានការ ស្ញើចសរសើរ ពីប្រជាជនខ្មែរ មិនដាច់ពីមាត់។  

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មិនតែប៉ុណ្ណោះ បើងាកមកមើលពីសម្លៀកបំពាក់របស់ សារីតា ដែលនាងបានស្លៀកបង្ហាញមុនពេលចាកចេញពីកម្ពុជា និងក្នុងកំឡុងពេលបង្ហាញខ្លួននៅលើទឹកដីសហរដ្ឋអាមេរិចវិញ គេសង្គេតឃើញថា មានភាពទាក់ទាញជាខ្លាំង បើទោះបីជាមើលទៅមានភាព សាមញ្ញបន្តិចមែន តែរាល់សម្លៀកបំពាក់ទាំងនោះ តែងរំលេចនៅរាង ដ៏ស្ដើងស្រលូននៃរូបរាងកាយស្រស់ស្អាត របស់សារីតា ជានិច្ច។

ខាងក្រោមកនេះជាសម្លៀកបំពាក់របស់បវរកញ្ញា សារីតា បានស្លៀកមុនពេលចេញទៅកាន់ការប្រកួត និង ពេលទៅដល់ទឹកដីសហរដ្ឋអាមេរិច៕

សូមទស្សនារូបភាពខាងក្រោម៖

• រ៉េត សារីតា
• ម៉ូត
• រូបភាព
• តារាខ្មែរ