តែងខ្លួនអញ្ចឹងទៅ​ អុីវ៉ា​ ឡេីងដូចក្មេង១៥ឆ្នាំ

កម្សាន្ត៖  តារាចម្រៀង​មុខមាត់កាត់ចិន កញ្ញា អ៊ីវ៉ា កាន់តែជោគជ័យលើវិថីសិល្បៈ បើទោះបីឈានជើងចូល​សិល្បៈ​ច្រើនឆ្នាំយ៉ាង​ណាក្ដី ក៏តារាស្រីរូបនេះ នៅតែមានហ្វេនគាំទ្រច្រើនមិនចាញ់កាលមុនឡើយ។ លើសពីនេះ ទាំងមុខជំនួសរកស៊ីក៏តារាស្រីរូបនេះរឹតតែកាក់កបផងដែរ។

ម្យ៉ាងវិញទៀត បើងាកទៅមើលរូបសម្រស់ តារាចម្រៀងស្រីរូបនេះវិញ ប៉ុន្មានឆ្នាំចុងក្រោយនេះ តារារូបនេះកាន់តែ​ស្រស់ស្អាតប្លែកជាងមុន ហើយនៅតែអាចថែរាងឲ្យនៅស្លីមបានដដែល មិនថាមុខមាត់ ឬស្បែកនោះទេ នៅតែ​ក្មេងជាងវ័យ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែងដូចថ្មីៗនេះ ក្នុងឱកាសបុណ្យភ្ជុំបិណនេះ កញ្ញា អ៊ីវ៉ា បានរៀបចំតុបតែងខ្លួនរៀបចង្ហាន់យកទៅវត្តយ៉ាងសមសួន។ ជាមួយគ្នានេះ ប្រិយមិត្តអ្នកប្រើប្រាស់បណ្តាញសង្គមហ្វេកប៊ុកមានការចាប់អារម្មណ៍យ៉ាងខ្លាំង បន្ទាប់ពីបានឃើញតារា​ចម្រៀងសាន់ដេរូបនេះបានស្លៀកជាមួយនឹងអាវសសំពត់ខ្មៅ អមនឹងការតុបតែមុខយ៉ាងសុភាពរាបសារ ជាងនេះទៅទៀតរឹតតែធ្វើឲ្យតារាស្រីរូបនេះមើលទៅកាន់តែក្មេងដូចក្មេងស្រី១៥ដូច្នេះ៕

សូមទស្សនារូបភាពខាងក្រោម៖

• អ៊ីវ៉ា
• តារាខ្មែរ