អ៊ីវ៉ា តូចចិត្ត ខ្លួនទាំងស្អាត ទាំងពូកែរកស៊ីគ្រប់យ៉ាង តែបែរជាគ្មានបុរសណាមើលឃើញ (មានវីដេអូ)

កម្សាន្ត៖ មិនតិចឆ្នាំនោះទេដែល កញ្ញា អុីវ៉ា បានប្រឡូកក្នុងវិស័យសិល្បៈ ក្នុងនាមជាសិល្បការិនីដែលមានទេពកោសល្យច្រើនឆ្នាំ ទៅលើការរាំ ច្រៀង មិនថាបទញ៉ាក់កន្ត្រាក់អារម្មណ៍ឬ ក៏លន្លង់លន្លោច សង់ទីម៉ង់ គឺរមែងសុទ្ធតែទទួលបានការសរសើរក៏ដូចជាការគាំទ្រមិនដាច់ពីមាត់ទស្សនិកជនផងដែរ។  

យ៉ាណាមិញ ទោះបីជាពេល តារាចម្រៀងស្រីភ្នែកតឹងកាត់ចិនរូបនេះ មានវ័យរាងជ្រេបន្តិចបន្តួចពិតមែន បើនិយាយពីសម្រស់វិញ ហាក់ឋិតថេរ រក្សាសភាពដើម​ដដែល ធ្វើឲ្យមហាជនមានការងឿងឆ្ងល់គ្រប់ៗគ្នា។ លើសពីនេះ រីឯប្រជាប្រិយប្រភាពរបស់  អុីវ៉ា ក៏នៅតែទទួលបានការគាំទ្រទាំងសិល្បៈក៏ដូចជាជីវិតឯកជន និង មុខរបររកស៊ីប្រចាំថ្ងៃរបស់សនាងផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយឡែក ចាប់តាំងពីលេចមុខក្នុងវិស័យសិល្បៈជាច្រើនឆ្នាំរួចមក តារាចម្រៀងស្រីរូបស្រស់មួយរូបនេះ មិនដែលបង្ហាញឬបង្ហើប ពីដៃគូជីវិតណាមួយ ឲ្យអ្នកគាំទ្របានឃើញឬស្គាល់ម្ដងណាឡើយ។ ជាក់ស្ដែងដូចពេលថ្មីៗនេះ កញ្ញា អុីវ៉ា បាននិយាយក្នុងការឡាយលក់ឥវ៉ាន់រៀបរាប់ថាខ្លួនទាំងស្អាត ជាតារាចម្រៀង ពូកែរកស៊ី ប៉ុន្តែហាក់ដូចគ្មានបុរសណាសម្លឹងមើលឃើញសោះ៕

សូមទស្សនារូបភាព និងជូនវីដេអូខាងក្រោម៖

• អ៊ីវ៉ា
• តារាខ្មែរ