មោទនភាពណាស់ ឱក សុគន្ធកញ្ញា បានបង្ហាញមុខក្នុងកម្មវិធីលំដាប់អន្តជាតិ MEKONG-KOREA FRIENDSHIP (មានវីដេអូ)

ភ្នំពេញ៖ កំពូលតារាចម្រៀងស្រី អ្នកនាង ឱក សុគន្ធកញ្ញា ជាតារាចម្រៀងមួយរូបដែលគេកត់សម្គាល់ឃើញនូវប្រជាប្រិយភាពដ៏ខ្លាំងក្លារបស់នាង។ ពិតណាស់ បើទោះបីចូលសិល្បៈអស់ជាច្រើនឆ្នាំ តែនាងនៅតែអាចឈរជើងជាតារាកំពូលលំដាប់ទី១ដដែល។ មិនតែប៉ុណ្ណោះ គ្រប់បទចម្រៀងដែលតារារូបនេះច្រៀងម្ដងៗ ស្ដាប់ទៅពិតជាពីរោះខ្លាំងតែម្ដង។

យ៉ាងណាមិញ ថ្មីៗនេះអ្នកនាង ឱក សុគន្ធកញ្ញា បានធ្វើធ្វើឲ្យមហាជន និងអ្នកគាំទ្រជាច្រើនភ្ញាក់ផ្អើលគ្រប់គ្នា ខណៈនាងត្រូវបានអញ្ជើញចូលរួមក្នុងការប្រគុំតន្រ្តី «MEKONG-KOREA FRIENDSHIP CONCERT» ហើយកម្មវិធីមួយនេះ ធ្វើឡើងក្នុងគោលបំណងផ្លាស់ប្ដូរវប្បធម៌រវាងប្រទេសកូរ៉េ និងបណ្ដាប្រទេសផ្សេងៗ ដែលជាប់ទន្លេមេគង្គ ដើម្បីប្រទេសទាំងអស់រួមគ្នាតែមួយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែង ក្នុងអំឡុងពេលផ្សាយផ្ទាល់ អ្នកនាង ឱក សុគន្ធកញ្ញា បានលើកយកនូវបទចម្រៀង«Be Yourself» ដែលបទមួយនេះមានអត្ថន័យលើកទឹកចិត្តមនុស្សគ្រប់គ្នាឲ្យរឹងមាំ។ ម្យ៉ាងវិញទៀត អ្វីដែលគួរឲ្យចាប់អារម្មណ៍នោះ នាងបានលើកយកការសម្ដែងរបាំបួងសួងព្រាហ្មណ៍ ដែលជាទម្រង់របាំក្បាច់បុរាណខ្មែរ(របាំព្រះរាជទ្រព្យ)។ ក្នុងនោះដែរ ក្រោយឃើញកំពូលតារាចម្រៀរូបនេះបង្ហាញមុខក្នុងកម្មវិធីលំដាបើអន្តរជាតិរួច មានហ្វេនជាច្រើនបានសម្ដែងនូវក្ដីរំភើបរីករាយ និងមានមោទនភាពចំពោះនាងគ្រប់ៗគ្នា៕

ប្រភពរូបភាព៖ Nob Dane SamAngkar

ចង់ជ្រាបច្បាស់ សូមទស្សនារូបភាព និងវីដេអូនៅនាទី ៥៥ៈ៣៨៖

• ឱក សុគន្ធកញ្ញា
• វីដេអូ
• រូបភាព
• តារាខ្មែរ