ជានិស្ស័យឬយ៉ាងណា? មុខរបរច្រើន តែតារាប្រុសស្រីមួយគូនេះ សម្រេចចិត្តបើកហាងខោអាវ

តារាកម្សាន្ត÷ ជឿជាក់ថាប្រិយមិត្ត ពុកម៉ែ បងប្អូន ជាពិសេសអ្នកដែលនិយមគាំទ្រ និងតាមដានព័ត៌មានសិល្ប:កម្សាន្តប្រាកដជាធ្លាប់បានទទួលជ្រាបរួចហើយ អំពីអាជីពផ្ទាល់ខ្លួន របស់តារាប្រុសស្រី២ដួង គឺលោក ហ្សូណូ និងកញ្ញា មាន សូនីតា ដែលក្រៅតែពីអាជីពជាអ្នកសិល្ប:ប្រឡូកនៅក្នុងវិថីជាតារាចម្រៀង និងសម្តែង តារាប្រុសស្រីទាំងពីរនាក់នេះក៏មានអាជីវកម្មផ្ទាល់ខ្លួន ជាម្ចាស់ហាងលក់សម្លៀកបំពាក់ដែលទទួលបានការគាំទ្រយ៉ាងខ្លាំងពីសំណាក់មហាជនថែមទៀតផង។

ជាក់ស្តែងតារាចម្រៀងសម្លេងផ្អែមពិរោះ សាច់ដុំកង់ៗ លោកហ្សូណូ គឺជាម្ចាស់ហាងលក់សម្លៀកបំពាក់ដ៏ធំមួយមានយីហោប្រ៊េនថា ZONO Clothes ដែលមានទីតាំងនៅម្តុំទួលទំពូង និងមានលក់សម្លៀកបំពាក់បុរសជាច្រើនម៉ូត និងច្រើនម៉ាកថែមទៀតផង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ ចំណែកឯកញ្ញា មាន សូនីតា ក៏មិនខុសគ្នាពីលោកហ្សូណូប៉ុន្មានដែរ ដោយតារាស្រី សម្លេងស្កក ពិរោះរូបនេះក៏ជាម្ចាស់ហាងលក់សម្លៀកបំពាក់ដែលច្នៃពីក្រមាខ្មែរដ៏ស្រស់ស្អាត មានយីហោថាផ្ទះស្រឡាញ់ ដែលមានទីតាំងនៅម្តុំបុរីប៉េងហួត បឹងស្នោរ ព្រមទាំងទទួលបានការគាំទ្រយ៉ាងខ្លាំងពីសំណាក់មហាជន និងអ្នកគាំទ្រ៕

ចង់ជ្រាបកាន់តែច្បាស់ សូមទស្សនារូបភាពខាងក្រោមនេះ÷

១/.លោក ហ្សូណូ

២/.កញ្ញា មាស សូនីតា

• មាន សូនីតា
• ហ្សូណូ
• ជំនួញ
• រូបភាព
• តារាខ្មែរ