ស្អាតបែបធម្មជាតិ! ទោះអត់និយមផាត់មុខហោះៗ សម្រស់ អ៊ីវ៉ា ក៏មើលទៅ ជឿជាក់

កំពង់ស្ពឺ៖ តារាចម្រៀងដ៏មានប្រជាប្រិយភាពប្រចាំផលិតកម្មសាន់ដេ កញ្ញា អ៊ីវ៉ា ត្រូវបានមហាជនក៏ដូចជាអ្នកគាំទ្រជាច្រើនទទួលស្គាល់ថា ជាតារាចម្រៀងស្រីមួយរូបដែលមានទេពកោសល្យពូកែ ព្រោះមិនថាច្រៀងបទទម្រង់អ្វីក៏ដោយ ក៏នាងអាចបកស្រាយបានយ៉ាងពីរោះក្រអួនក្រអៅ ផងដែរ។

ជាមួយគ្នានេះ បើនិយាយពីរូបរាងរបស់ម្ចាស់បទ «មិនព្រមនៅ ក្បែរអូនឲ្យយូរជាងនេះ» រូបនេះវិញ យើងឃើញថា តាំងតែពីប្រឡូកក្នុងសិល្បៈដំបូងៗរហូតដល់ពេលនេះ អ៊ីវ៉ា នៅ តែអាចថែរក្សារូបរាងនិងដងខ្លួនបានតូចស្រឡូនដដែល និងមិនធ្លាប់មានដំណឹងថានាងជ្រើសរើសវិធីកែសម្ផស្សដោយវះកាត់ត្រង់ណាដូចតារាដទៃនោះឡើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ ទោះមិនមានកែកុន តែសម្រស់ដ៏ធម្មជាតិរបស់ អ៊ីវ៉ា ក៏មានភាពលេចធ្លោទាក់ចិត្តអ្នកគាំទ្រមិនតិចនោះដែរ ព្រោះរាល់ពេលចេញគ្រប់កម្មវិធីតូចធំនានា នាងមិនសូវនិយមផាត់មុខក្រាស់ៗ ឬតុបតែងឆើតឆាយពេកឡើយ ពោលគឺនាងតែងតែធ្វើសក់ ផាត់មុខបែបស្រាលៗ ធម្មតាៗ ស្លៀកពាក់សមរម្យ ប៉ុន្តែគ្រប់ស្ទាយ៍របស់នាង នៅ តែមើលទៅ ស្រស់ស្អាតគួរឲ្យសរសើរតែម្ដង៕

សូមទស្សនារូបភាពខាងក្រោម៖

• អ៊ីវ៉ា
• រូបភាព
• តារាខ្មែរ