ពិតជាចាស់ទុំមែន! ទេព បូព្រឹក្ស និងជី ដេវីត ស្លៀកឈុតមួយនេះ ផ្អើលអស់ហ្វេនៗ

តារាកម្សាន្ត÷ កាលពីពេលថ្មីៗកន្លងទៅនេះ លេចមុខមានវត្តមាននៅក្នុងកម្មវិធីមួយរួមគ្នា តារាចម្រៀងឯករាជ្យដ៏មានប្រជាប្រិយភាពមួយគូ គឺលោកជីដេវីត ម្ចាស់បទញីកែងជើង និងកញ្ញាទេពបូព្រឹក្ស ម្ចាស់បទវីរនារី ឬ The Top Of The Lady បានសាងភាពភ្ញាក់ផ្អើលដល់មហាជន និងប្រិយមិត្តដែលជាហ្វេននិយមគាំទ្រជាខ្លាំង ក្រោយបានបង្ហាញក្នុងឈុតបុរាណច្នៃចេញជាសម័យ យ៉ាងសមសួន រហូតទទួលបានការកោតសរសើរពេញបណ្តាញសង្គម។

ជាក់ស្តែងនៅក្នុងឈុតនោះ គេសង្កេតឃើញលោកជីដេវីត ពាក់ឈុតអាវ និងខោពណ៌ស្វាយខ្ចី ច្នៃចេញពីហូលខ្មែរដ៏ស្រស់ស្អាត រីឯកញ្ញាទេព បូព្រឹក្ស វិញពាក់អាវនិងសំពត់ហូលខ្មែរមានជាយវែង ស្រស់ស្អាតសមសួនជាមួយនិងគូស្នេហ៍តែម្តង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គួរបញ្ជាក់ផងដែរថា នេះមិនមែនជាលើកទីមួយទេ ដែលគូស្នេហ៍តារាចម្រៀងដ៏ល្បី ក្តោបមុខជំនួញផ្ទាល់ខ្លួនរួមគ្នាមួយគូនេះ បង្ហាញនៅឈុតសម្លៀកបំពាក់បែបបុរាណខ្មែរលាយសម័យ ប៉ុន្តែជារឿយៗ គេតែងសង្កេតឃើញអ្នកទាំងពីរបង្ហាញនៅឈុតបុរាណខ្មែរជាច្រើន ហើយក៏ទទួលបានការគាំទ្រយ៉ាងខ្លាំងពីសំណាក់អ្នកគាំទ្រនៅក្នុងបណ្តាញហ្វេសប៊ុកថែមទៀតផង៕

ចង់ឃើញកាន់តែច្បាស់ថែមទៀតនោះ សូមទស្សនារូបភាពខាងក្រោមនេះ÷

• ទេព បូព្រឹក្ស
• ងួន ចាន់ដេវីត
• រូបភាព
• តារាខ្មែរ