មិនធម្មតាទេ ប្រវត្តិសិក្សានិងការងាររបស់ រ៉េត ស្រីនាថ បេក្ខភាពបវរកញ្ញាចក្រវាឡ២០២២នេះ​

រាជធានីភ្នំពេញ ៖ ដូចដែរដឹងស្រាប់ហើយថា បវរកញ្ញាចក្រកម្ពុជា២០២០ កញ្ញា រ៉េត សារីតា នៅមានប្អូនប្រុសស្រីចំនួន២នាក់ផ្សេងទៀត ទន្ទឹមនឹងនោះ ប្អូនស្រីត្រូវបានអ្នកគាំទ្រការប្រកួតសម្រស់ល្បីឈ្មោះមួយនេះ ប្រាថ្នាតាំងពីឆ្នាំមុនមកម្លេះ ដោយសង្ឃឹមថារូបនាង នឹងអាចដើរលើវិថីដូចបងស្រី។

ជាមួយគ្នានេះ កាន់តែកៀកដល់ថ្ងៃរៀបចំប្រកួតហើយនោះ ស្រាប់តែពេលនេះ ប្អូនស្រីកញ្ញា រ៉េត សារីតា គឺកញ្ញា រ៉េត ស្រីនាថក៏ប្រកាសខ្លួន នឹងចូលរួមតាមបំណងរបស់ហ្វេនៗ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ទន្ទឹមនឹងនោះ បងប្អូនជាច្រើន ចាប់ផ្តើមផ្ទុះការចាប់អារម្មណ៍ខ្លាំងនឹងប្រវត្តិការសិក្សា និងការងាររបស់កញ្ញា មិនចាញ់បងស្រីប៉ុន្មានឡើយ ដែលជាហេតុទើបប្រកាសខ្លួនសោះ ប៉ុន្តែទទួលបានសម្លេងនៃការគាំទ្រ ខ្លាំងក្លាលេចគេឯងតែម្តង។

ជាក់ស្តែងក្នុងនោះ រូបនាងអាចនិយាយបានដល់ទៅ ៥ ភាសាមាន អង់គ្លេស បារាំង ចិន បាគីស្ថាន និងខ្មែរ បើនិយាយពីរូបសម្បត្តិវិញ រូបនាងមានកម្ពស់ដល់ទៅ ១,៦៧ម៉ែត្រឯណោះ ចំណែកការសិក្សា បានបញ្ចប់ថ្នាក់បរិញ្ញាប័ត្រផ្នែកទំនាក់ទនងអន្តរជាតិ ហើយសព្វថ្ងៃជា ជំនួយការ​ឯកអគ្គរាជទូត នៅស្ថានទូតបាគីស្ថានប្រចាំនៅកម្ពុជាទៀតផង ជាពិសេសទៅទៀត រូបនាងក៏ធ្លាប់ចូលប្រកួតMiss Grand Cambodiaផងដែរ៕

បើចង់ដឹងឲ្យកាន់តែច្បាស់ថែមទៀតនោះ​ តោះទៅមើលរូបភាពខាងក្រោម ៖

ប្រភព ៖ Cambodia Queens

• រ៉េត សារីតា
• ការងារ
• ជីវិត
• រូបភាព
• តារាខ្មែរ