មិត្ត Goal! រាប់គ្នាតាំងពីក្មេងដល់ចំណាស់នេះ គង់ សុជាតិ នៅតែធ្វើបែបនេះដាក់ យុគ ចិន្តា ក្នុងថ្ងៃកំណើត

ភ្នំពេញ៖ ជាការពិត បើនិយាយអំពីទំនាក់ទំនងរវាងពិធីការិនីជើងចាស់អ្នកនាង យុគ ចិន្តា និងអ្នកនាង គង់ សុជាតិ ជឿជាក់ថាមហាជនក៏ដូចជាអ្នកគាំទ្រប្រហែលជាធ្លាប់ជ្រាបហើយថា ពួកគេ​បានរាប់អានគ្នាអស់រយៈពេលជាច្រើនឆ្នាំណាស់មកហើយ ពោលគឺចាប់តាំងពីឆ្នាំ ២០០០ មកម្ល៉េះ ប៉ុន្តែទំនាក់ទំនងនៅតែល្អស្និទ្ធស្នាលគ្នាខ្លាំងដដែល។

ជាពិសេស កាលពីថ្ងៃទី ២៥ ខែមីនា ម្សិលមិញនេះ ដែលជាថ្ងៃខួបកំណើតរបស់អ្នក យុគ ចិន្តា ស្រាប់តែអ្នកនាង គង់ សុជាតិ បាននាំយកនំខេក ព្រមទាំងបាច់ផ្កាយ៉ាងស្រស់ស្អាត មក Surprise ដល់កន្លែងធ្វើការរបស់ យុគ ចិន្តា ហើយក៏បានថតរូបជាមួយគ្នា បង្ហាញកាយវិការស្និទ្ធស្នាលបែបមិត្តភក្ដិយ៉ាងផ្អែមល្ហែមខ្លាំងតែម្ដង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាមួយគ្នានេះ នៅពេលដែលរូបភាពតារាស្រីទាំងពីរនាក់ បានបង្ហោះលើបណ្ដាញសង្គម អ្នកគាំទ្រជាច្រើនបានចូលទៅខមិនផ្ញើពាក្យជូនពរក្នុងថ្ងៃកំណើតដល់អ្នកនាង យុគ ចិន្តា ជាហូរហែផងដែរ៕

ទស្សនារូបភាពខាងក្រោម៖

• យុគ ចិន្តា
• គង់ សុជាតិ
• រូបភាព
• តារាខ្មែរ