អបអរសាទរ កូនប្រុសច្បង គង់ សុជាតិ ចូលរោងការថ្ងៃនេះហើយ

ភ្នំពេញ៖ បើនិយាយដល់ពិធីការិនីឆ្នើម អ្នកនាង គង់ សុជាតិ ជឿថាប្រិយមិត្តច្បាស់ជាស្គាល់ ដោយតារារូបនេះបានកសាងកេរ្ដិ៍ឈ្មោះល្បីល្បាញលើវិថីសិល្បៈច្រើនឆ្នាំ។ បើនិយាយដល់ជីវិតឯកជន តារាស្រីរូបនេះកំពុងរស់នៅយ៉ាងមានក្ដីសុខ ជាមួយស្វាមី និងកូនប្រុសស្រីទាំង៣របស់នាង។ 

ជាមួយគ្នានេះដែរ បើនិយាយដល់កូនច្បងរបស់អ្នកនាង គង់ សុជាតិ ថ្មីៗនេះគេដឹងថាបានភ្ជាប់ពាក្យជាមួយនារីរូបស្អាតម្នាក់។ ក្រោយកូនប្រុសភ្ជាប់ពាក្យរួច ពិធីការិនីឆ្នើមរូបនេះបង្ហាញក្ដីរំភើប ត្រេកអរញញឹមបិទមាត់មិនជិតឡើយ។ ម្យ៉ាងវិញទៀត ក្រោយឃើញកូនប្រុសតារារូបនេះភ្ជាប់ពាក្យ មានមហាជនជាច្រើនបានសម្ដែងក្ដីរំភើបជំនួសនាងគ្រប់ៗគ្នា។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែង បន្ទាប់ពីកូនច្បងអ្នកនាង គង់ សុជាតិ ភ្ជាប់ពាក្យរួច ក្នុងថ្ងៃនេះផ្ទាល់កូនប្រុសតារារូបនេះបានដឹងដៃគូដណ្ដឹងចូលរោងការយ៉ាងរីករាយ និងកក់ក្ដៅ ដោយមានការចូលរួមពីសមាជិកក្រុមគ្រួសារ ក៏ដូចជាភ្ញៀវកិត្តិយសមានមុខមាត់ក្នុងសង្គមជាច្រើន។ ហើយអ្វីដែលគេកត់សម្គាល់នោះ អ្នកដឹកដៃកូនកម្លោះគឺជាលោកជំទាវ ហ៊ុន ស៊ីណាត ផ្ទាល់ផងដែរ៕

សូមទស្សនារូបភាពខាងក្រោម៖ 

• គង់ សុជាតិ
• រូបភាព
• តារាខ្មែរ