ភ្នំពេញ៖ កក្រើកកោះពេជ្រជាមួយនឹងការប្រគំតន្ត្រីដ៏ធំ និងដំបូងគេបង្អស់ប្រចាំប្រទេសកម្ពុជា ដែលមានឈ្មោះថា Passion The Concert By Sting Music Verse នាល្ងាចថ្ងៃសៅរ៍ ទី២៩ ខែតុលានេះ។
ជាមួយនឹងវត្តមានរបស់តារាចម្រៀង និងជា rapper ដ៏ល្បី លោក G-Devith ពិតជាទទួលបានការចូលរួមយ៉ាងច្រើនពីសំណាក់យុវវ័យអ្នកគាំទ្ររបស់លោក។
លើសពីនេះ ក្នុងកម្មវិធី concert ដ៏ធំប្រចាំឆ្នាំនេះផងដែរ ក៏បានបំពាក់នូវបច្ចេកវិទ្យា AR Show ដោយរំលេចនូវមុខរបស់លោក G-Devith ក្នុងរូបរាងដូចជាព្រះវិស្នុ ហោះពីលេីមេឃចុះមក ធ្វើឲ្យហ្វេនស្រែកហ៊ោ មិនតិចនោះទេ ថែមជាមួយនឹង Unreal engine LED project រៀបចំជាមួយនឹងបច្ចេកវិទ្យាទំនើប ដែលមិនធ្លាប់មាន សម្រាប់ការប្រគុំតន្រ្តីក្នុងស្រុក។
ក្នុងនោះដែរ លោក G-Devith និង Sting បាននាំយកនូវវត្តមាន តារាស្រីល្បីមកពីប្រទេសថៃ គឺកញ្ញា Jannine Weigel និង Rapper ល្បីមកពីប្រទេសថៃ JARVIS ក្នុងនាមជាតារាកិត្តិយស មកសម្ដែងលើឆាក surprise ហ្វេនៗទៀតផង។
កម្មវិធីនារាត្រីនេះ មិនមែនមានតែហ្វេនៗទេដែលមកចូលរួម ក៏មានការចូលរួមពីសំណាក់ Influencer ល្បីៗក្នុងប្រទេសមកហូហែ រាំលេងយ៉ាងរីករាយ ធ្វើឲ្យបរិយាកាសកម្មវិធីកាន់តែសប្បាយនាថ្ងៃចុងសប្ដាហ៍។
នេះរាប់ជាកម្មវិធីប្រគំតន្រ្តីដ៏ពិសេសអស្ចារ្យប្រចាំឆ្នាំ ២០២២។
ចង់ដឹងថា កម្មវិធី Passion The Concert By Sting Music Verse លើកនេះកក្រើកយ៉ាងណា មើលតែរូបភាពទៅដឹងហើយ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
