ទីបំផុត ដេវីត ចេញប្រកាសពីការយល់ស្រប ការពារសិទ្ធអ្នកនិពន្ធ និងការការពារខ្លួន

ភ្នំពេញ៖ ដូចដែលប្រិយមិត្តជាច្រើនបានជ្រាបហើយថា កាលពីពេលថ្មីៗ កន្លងទៅនេះ តារាចម្រៀងរ៉េប លោក ងួន​ចាន់ដេវីត ហាក់ជួបនឹងរឿងចម្រូងចម្រាសជាច្រើន នៅលើបណ្ដាញសង្គម ចំពោះការលើកឡើងពីការ Diss Track គ្នាទៅវិញទៅមក ក៏ដូចជាការលួ.ច.ចម្លងបទចម្រៀង ដែលធ្វើឲ្យហ្វេនៗមួយចំនួន ចេញមកការពារអាយដលរៀងៗខ្លួន។

យ៉ាងណាមិញ កាលពីម្សិលមិញនេះ តារាចម្រៀងរ៉េប លោក ងួន ចាន់ដេវីត បានចេញមកបង្ហាញពីសេចក្ដីប្រកាសមួយ នៅលើបណ្ដាញសង្គម ដោយមានការលើកឡើងពីការគាំទ្រ និងយល់ស្រប ជាមួយនឹងចំណាត់ការរបស់ក្រសួងវប្បធម៌ និងវិចិត្រសិល្បៈ ដែលបានខិតខំការពារសិទ្ធអ្នកនិពន្ធ ការពារសិល្បករគ្រប់រូប និងផលប្រយោជន៍ស្នាដៃរបស់បុគ្គលម្នាក់ៗដែលបានបង្កើតឡើង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាពិសេស រូបលោក ថែមទាំងបានលើកឡើងពីចំណុច ដែលខ្លួនត្រូវទទួលរងនូវការរិះគន់ និងចោទប្រកាន់ពីសំណាក់សិល្បករម្នាក់ ដែលថាបានប្រើប្រាស់ ឬទិញផលិតផល(បទចម្រៀង) ពីគេ ហើយការចោទប្រកាន់នេះ គឺគ្មានមូលដ្ឋានច្បាស់លាស់ គ្មានភស្តុតាង ឬសាក្សីត្រឹមត្រូវឡើយ ហើយការលើកឡើងនេះ ក៏បានធ្វើឲ្យមានការប៉ះពាល់ដល់កេរ្តិ៍ឈ្មោះ និងប្រជាប្រិយភាពរបស់លោក ផងដែរ៕

សូមទស្សនារូបភាពខាងក្រោម៖ 

• ងួន ចាន់ដេវីត
• តារាខ្មែរ