ជាធម្មតា ក្មេងជំទង់កម្រមានស្នាមជ្រីវជ្រួញលើស្បែកណាស់ ពីព្រោះតែស្រទាប់ស្បែកផ្ទុកភាពយឺត និងខូឡាជែន ដែលជួយឲ្យស្បែកទន់រលោង និងគ្មានស្នាមជ្រីវជ្រួញ។ យ៉ាងណាមិញ បញ្ហាស្បែកចាស់មុនវ័យរបស់ក្មេងជំទង់អាចកើតឡើងដោយសារតែកត្តាជាច្រើនយ៉ាង។ កត្តាទាំងនោះមានដូចជា៖
- ត្រូវកម្ដៅថ្ងៃរយៈពេលយូរ
- ញ៉ាំស្ករច្រើនជ្រុល
- ស្រ្តេស
- គេងមិនគ្រប់គ្រាន់
- ជក់បារី
- ប៉ះពាល់នឹងការបំពុលបរិយាកាស
- ញ៉ាំទឹកមិនគ្រប់គ្រាន់
- ស្បែកស្ងួត
- ញ៉ាំគ្រឿងស្រវឹង និងប្រើប្រាស់គ្រឿងញៀន
ក្រៅពីមូលហេតុខាងលើនេះ ការប្រើថ្នាំមួយចំនួន ព្រមទាំងកត្តាហ្សែន ក៏អាចនាំឲ្យក្មេងជំទង់ប្រឈមនឹងបញ្ហាស្នាមជ្រីវជ្រួញដូចគ្នា។
គន្លឹះដោះស្រាយបញ្ហាស្នាមជ្រីវជ្រួញលើក្មេងជំទង់
រូបមន្តខាងក្រោមនេះ អាចជួយកាត់បន្ថយស្នាមជ្រីវជ្រួញបន្តិចម្ដងៗ។ ប៉ុន្តែ ប្រសិនបើក្មេងមានស្បែកងាយប្រតិកម្ម អាលែកហ្ស៊ី ឬបញ្ហាស្បែកផ្សេងទៀត គួរពិគ្រោះយោបល់ជាមួយនឹងគ្រូពេទ្យសើស្បែកជាមុនសិន មុននឹងសាកល្បងរូបមន្តណាមួយ។
១. លាបទឹកឃ្មុំ
ទឹកឃ្មុំផ្ទុកទៅដោយសារធាតុប្រឆាំងនឹងអុកស៊ីតកម្មជាច្រើន ដែលអាចជួយបន្សាបរ៉ាឌីកាល់សេរី និងប្រឆាំងភាពចាស់មុនវ័យ។ ដើម្បីទទួលបានលទ្ធផលល្អប្រសើរ ប៉ាម៉ាក់គួរឲ្យកូនលាបទឹកឃ្មុំនៅលើមុខ និងក ដោយទុកចោលប្រហែលពី២០ ទៅ ៣០នាទី ទើបលាងជម្រះជាមួយនឹងទឹកក្ដៅឧណ្ហៗ។ បន្ថែមពីនេះ យើងក៏អាចលាយជាមួយទឹកដោះគោឆៅ ទឹកដោះគោជូរ ឬផ្លែចេក។
២. ជែលប្រទាលកន្ទុយក្រពើ
ទន្ទឹមនឹងនេះដែរ ជែលប្រទាលកន្ទុយក្រពើ មានប្រសិទ្ធភាពក្នុងការជួយបង្កើនការផលិតខូឡាជែន ដោយជួយឲ្យស្បែកតឹងណែនល្អ។ ប៉ាម៉ាក់អាចណែនាំឲ្យកូនសាកល្បងម៉ាស្សាមុខជាមួយជែលប្រទាលកន្ទុយក្រពើឲ្យសព្វ រួចទុកចោលរយៈពេល១៥នាទី និងលាងជម្រះជាមួយទឹកក្ដៅឧណ្ហៗ។ កូនអាចអនុវត្តរូបមន្តនេះជារៀងរាល់ថ្ងៃ សម្រាប់ស្បែកគ្មានស្នាមជ្រីវជ្រួញ។
៣. ប្រើម៉ាសស៊ុតផ្នែកពណ៌ស
ស៊ុតផ្នែកពណ៌ស សម្បូរទៅដោយប្រូតេអ៊ីន ដែលជួយប្រឆាំងនឹងរ៉ាឌីកាល់សេរី ក៏ដូចជាការពារស្នាមជ្រីវជ្រួញ។ យើងអាចប្រើម៉ាសនេះ ដោយជ្រើសយកតែស៊ុតផ្នែកពណ៌ស និងវាយឲ្យសព្វល្អ ចាំយកមកលាបនៅលើផ្ទៃមុខ និងទុកចោលរយៈពេល១៥ ទៅ២០នាទី។ បន្ទាប់មក លាងជម្រះជាមួយនឹងទឹកក្ដៅឧណ្ហៗជាការស្រេច។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
