មិនសរសើរមិនបាន ខានឃើញ G-Devith និង ទេព បូព្រឹក្ស ចាប់ដៃគ្នាសម្ដែងបែបនេះយូរហើយ

កម្សាន្ត៖ កាលពីម្សិលមិញនេះ G-Devith បានចាប់ដៃគូគ្នាជាមួយនឹងតារាចម្រៀងស្រី ទេព បូព្រឹក្ស សម្ដែងចម្រៀងនៅឯពហុកីឡាដ្ឋានជាតិអូឡាំពិច ធ្វើឲ្យកក្រើកដល់មហាជន។ តាមប្រភពពីផេកអ្នកគាំទ្របានឲ្យដឹងថា តារាចម្រៀងមួយគូនេះ បានសម្ដែងបទ មហានគរ និង ទេវរាជ ជាមួយនឹងផ្ទាំងទស្សនីយភាពដ៏អស្ចារ្យ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាពិសេស អ្នកគាំទ្រខានបានឃើញការសម្ដែងរួមគ្នារវាង លោក G-Devith និង អ្នកនាង ទេព បូព្រឹក្ស​ យូរមកហើយ ដែលធ្វើឲ្យការសហការលើកនេះ រំជើបរំជួលខ្លាំង។ ក្រឡេកទៅមើលទិដ្ឋភាពនៃការសម្ដែងនេះវិញ យើងឃើញថា តារាចម្រៀងទាំង២ដាក់ចិត្តដាក់កាយជាខ្លាំង អមទៅដោយរបាំប្រពៃណីខ្មែរគួរឲ្យចាប់អារម្មណ៍។

មិនតែប៉ុណ្ណោះ ក្នុងថ្ងៃសម្ដែងចម្រៀងម្សិលមិញ ត្រូវនឹងថ្ងៃទី០៧ ខែកញ្ញា ឆ្នាំ២០២៣ គឺជាថ្ងៃគម្រប់ខួបថ្ងៃសាងស្នេហារវាង លោក G-Devith និង អ្នកនាង ទេព បូព្រឹក្ស ដែលពួកគេទទួលបានចំណងដៃបុត្រដ៏គួរឲ្យស្រឡាញ់មួយរូបផងដែរ៕

ប្រភព៖ MY DitWay

• ទេព បូព្រឹក្ស
• ងួន ចាន់ដេវីត
• រូបភាព
• តារាខ្មែរ