អាមេរិក៖ កាលពីថ្ងៃទី ៣ កក្កដាកន្លងទៅនេះ អ្នកនាង អម្ពរ ទេវី កំពូលតារាសម្តែងស្រីជើងចាស់ ដែលមានកេរ្តិ៍ឈ្មោះល្បីល្បាញនៅក្នុងសង្គមសិល្បៈខ្មែរយើង បានបង្ហោះនូវរូបភាព និងវីដេអូក្នុងដំណើរកម្សាន្តជាលក្ខណៈគ្រួសាររបស់ខ្លួន យ៉ាងផ្អែមល្ហែមនៅលើបណ្តាញទំនាក់ទំនងសង្គមហ្វេសប៊ុក។

រូបភាពដែលអ្នកនាង អម្ពរ ទេវី បានបង្ហោះ នៅលើបណ្តាញទំនាក់ទំនងសង្គមហ្វេសប៊ុកនេះ គឺបានទទួលនូវការគាំទ្រយ៉ាងខ្លាំង ដោយមិត្តភក្តិនៅក្នុងហ្វេសប៊ុកភាគច្រើន ពិតជាសប្បាយចិត្តខ្លាំងណាស់នៅពេលឃើញគ្រួសាររបស់អ្នកនាងមានសេចក្តីសុខ និងមានភាពកក់ក្តៅជាមួយគ្នាយ៉ាងដូច្នេះ។

ទន្ទឹមនឹងនេះដែរ ពួកគេក៏បានជូនពរ និងបានផ្ញើសេចក្តីនឹករលឹកជាច្រើន ទៅដល់អ្នកនាង អម្ពរ ទេវី ដែលកំពុងតែរស់នៅសហរដ្ឋអាមេរិក ជាមួយនឹងស្វាមីផងដែរ។

នេះបង្ហាញថា ទោះបីជាអ្នកនាងមិនបានរស់នៅក្នុងស្រុកក្តី ក៏ប្រជាប្រិយភាព និងការគាំទ្រនៅតែមានជានិច្ចក្នុងចិត្តមហាជនខ្មែរ។

គួរឱ្យដឹងដែរថា តារាសម្តែងឆ្នើមអ្នកនាង អម្ពរ ទេវី បានបាត់មុខពីក្នុងវិស័យសិល្បៈខ្មែរ យូរណាស់មកហើយ ដើម្បីទៅកសាងជីវិតគ្រួសាររបស់ខ្លួននៅលើទឹកដីសហរដ្ឋអាមេរិក។ 

ប៉ុន្តែកាលពីពេលថ្មីៗកន្លងទៅនេះ អ្នកនាង អម្ពរ ទេវី ក៏បានចូលប្រឡូកនៅក្នុងវិស័យសិល្បៈជាថ្មីផងដែរ ដោយបានចូលរួមសម្តែងនៅក្នុងរឿង «ទឹកចិត្តម្តាយសម័យថ្មី» និងទទួលបាននូវការគាំទ្រយ៉ាងខ្លាំងពីទស្សនិកជនគ្រប់វ័យ៕

ទស្សនារូបភាព និងវីដេអូ ខាងក្រោម៖

អ្នកនាង អម្ពរ ទេវី ំព្រមទាំងស្វាមី និងកូនស្រី ក្នុងដំណើរកម្សាន្តជាលក្ខណៈគ្រួសាររបស់ខ្លួន យ៉ាងផ្អែមល្ហែម
អ្នកនាង អម្ពរ ទេវី ំនិងកូនស្រី ក្នុងដំណើរកម្សាន្តយ៉ាងរីករាយ
អ្នកនាង អម្ពរ ទេវី ំព្រមទាំងស្វាមី នៅក្នុងដំណើរកម្សាន្តយ៉ាងផ្អែមល្ហែម
អ្នកនាង អម្ពរ ទេវី ំព្រមទាំងស្វាមី និងកូនស្រី ក្នុងដំណើរកម្សាន្ត
អ្នកនាង អម្ពរ ទេវី ពេលសម្តែងក្នុងរឿង «ទឹកចិត្តម្តាយសម័យថ្មី»
អ្នកនាង អម្ពរ ទេវី និងលោក ទេព រិនដារ៉ូ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

អម្ពរ ទេវី