«ផ្លែស៊ូ​» បន្លែដ៏ឆ្ងាញ់ពិសា! តែបើដឹងពីប្រយោជន៍វាទៀត ប្រាកដជាភ្ញាក់ផ្អើល

ដោយសារតែសម័យនេះ ជំងឺ មេរោគ កាន់តែកាចសាហាវ និងធ្ងន់ធ្ងរទៅៗ បានជាធ្វើឱ្យមនុស្សជាច្រើនបានសម្តែងការភ័យខ្លាច និងបារម្ភពីបញ្ហាសុខភាពផ្ទាល់ខ្លួនជាខ្លាំង ដោយការប្រឹងប្រែងថែរក្សាសុខភាពក្នុងការទទួលទានអាហារ របបអាហារប្រចាំថ្ងៃ រួមទាំងការហាត់ប្រាណ និងទទួលទានថ្នាំបំប៉នដែលមានតម្លៃថ្លៃជាដើម។

ប៉ុន្តែការពិតទៅ ការទទួលទានបន្លែ ផ្លែឈើធម្មជាតិ ដែលមានប្រយោជន៍សម្រាប់សុខភាព ក៏អាចបង្កាជំងឺ និងហានិភ័យចំពោះសុខភាពបានផងដែរ ថែមទាំងមិនបាច់ចំណាយលុយច្រើនទៀតផង។ ដូច្នេះថ្ងៃនេះ យើងនឹងលើកយកពីអត្ថប្រយោជន៍របស់បន្លែម្យ៉ាង ដែលមានឈ្មោះថា ផ្លែស៊ូ ដែលមានការពេញនិយមផងដែរសម្រាប់ការទទួលទានដូចជា យកមកឆា និងស្ល មានរសជាតិឆ្ងាញ់ពិសា មកជម្រាបមិត្តអ្នកអានឱ្យបានជ្រាប។

ដូច្នេះគ្រាន់តែអ្នកទទួលទានបន្លែផ្លែស៊ូនេះជាប្រចាំ អ្នកប្រាកដជាភ្ញាក់ផ្អើលនូវអត្ថប្រយោជន៍ធំៗទាំងនេះ រួមមានដូចជា៖

# កម្ចាត់ខ្លាញ់កូឡេស្តឺរ៉លមិនល្អ

ធាតុផ្សំដែលសំខាន់បំផុតនៅក្នុងផ្លែស៊ូ គឺសម្បូរទៅដោយជាតិកាកសសៃរលាយ (Soluble Fibers) ដែលអាចជួយទៅលាងសម្អាតសសៃឈាម ខ្លាញ់ដែលកកស្ទះបាន រួមទាំងកម្ចាត់ខ្លាញ់កូឡេស្តឺរ៉លមិនល្អផងដែរ។

# ការពារអ្នកពីជំងឺមហារីក

ផ្លែស៊ូ ពោរពេញទៅដោយសារធាតុប្រឆាំងអុកស៊ីតកម្ម និងរ៉ាឌីកាល់សេរី ដ៏ច្រើនលើសលប់ ដែលអាចជួយទៅប្រយុទ្ធប្រឆាំង និងការពារការរីករាលដាល នៃដុំសាច់កាចសាហាវ ដែលបង្កជាមេរោគមហារីកទៀតផង។

# ជួយសុខភាពក្រពះពោះវៀន

ព្រោះតែផ្លែស៊ូ សម្បូរទៅដោយជាតិកាកសសៃរលាយខ្ពស់ ដូច្នេះហើយវាក៏មានលទ្ធភាពជំនួយដល់ប្រព័ន្ធរំលាយអាហារ ក្រពះ និងពោះវៀនឱ្យដំណើរការល្អ ថែមទាំងអាចការពារមេរោគ និងអាការរលាកផ្សេងៗផងដែរ។ ជាពិសេសថែមទាំងអាចជួយព្យាបាលជំងឺទល់លាមកបានយ៉ាងប្រសើរ។

# ជួយសម្រកទម្ងន់

ផ្លែស៊ូមួយនេះ មានជាតិកាឡូរីតិចតួចបំផុត ដែលសាកសមសម្រាប់អ្នកដែលចង់សម្រកទម្ងន់ និងរក្សារូបរាងឱ្យនៅស្រស់ស្អាត គួរយកជារបបអាហារទទួលទានជាប្រចាំ។

# ប្រឆាំងនឹងជំងឺលើសឈាម

ជាតិប៉ូតាស្យូមដ៏ច្រើនលើសលប់នៅក្នុងផ្លែស៊ូ អាចជួយគ្រប់គ្រងសម្ពាធឈាមឱ្យស្ថិតក្នុងសភាពប្រក្រតី ថែមទាំងអាចជួយការពារការកើតជំងឺលើសឈាម និងល្អបំផុតសម្រាប់អ្នកដែលកំពុងមានជំងឺលើសឈាមទទួលទានផងដែរ។

# ការពារជំងឺដាច់សសៃឈាមខួរក្បាល

បន្លែមួយនេះ អាចមានលទ្ធភាពការពារ និងប្រឆាំងរាល់បញ្ហាដែលកើតមានលើប្រព័ន្ធសសៃឈាម ថែមទាំងអាចបង្កាជំងឺឈាមកកកក្នុងខួរក្បាល ដែលជារោគសញ្ញាដ៏គ្រោះថ្នាក់ នៃជំងឺដាច់សសៃឈាមខួរក្បាលបានទៀតផង។

# ទប់ស្កាត់ជំងឺទឹកនោមផ្អែម

ផ្លែស៊ូ អាចជួយស្រូបយក និងរំលាយជាតិស្ករក្នុងរាងកាយបានល្អ ដែលទាំងនេះអាចជួយគ្រប់គ្រងកម្រិតជាតិស្ករនៅក្នុងឈាម ថែមទាំងអាចការពារ និងប្រឆាំងការកើតជំងឺទឹកនោមផ្អែមផងដែរ។

# ការពារ និងព្យាបាលជំងឺខ្វះឈាម

ជាតិដែក និងវីតាមីន B2 ដែលមាននៅក្នុងផ្លែស៊ូ ត្រូវបានគេដឹងថា អាចជួយបង្កើនកម្រិតគ្រាប់ឈាមក្រហមនៅក្នុងរាងកាយ ដែលមានគុណប្រយោជន៍ អាចការពារ និងព្យាបាល សម្រាប់អ្នកដែលកើតជំងឺស្លេកខ្លាំងខ្វះឈាមបាន។

# ផ្តល់ថាមពលរាងកាយ

ផ្លែស៊ូ ក៏ត្រូវបានគេរកឃើញថា សម្បូរទៅដោយសារធាតុម៉ង់ហ្គាណែស ដែលជាសមាសធាតុចាំបាច់ សម្រាប់ផ្តល់ថាមពល ដល់សារពាង្គកាយទាំងមូលបានផងដែរ។

# ជួយឱ្យសាច់ស្អាត

ជាតិសង្កសី អាស៊ីតហ្វូលិក (Folic Acid) វីតាមីន C និង វីតាមីន E ដែលមាននៅក្នុងផ្លែស៊ូ អាចជួយទៅពង្រឹង និងចិញ្ចឹមកោសិកាស្បែកឱ្យមានសុខភាពល្អ ភ្លឺស្រស់ថ្លា ថែមទាំងអាចជួយប្រយុទ្ធប្រឆាំងនឹងភាពចាស់ជ្រីវជ្រួញបានផងដែរ៕