ឈរជិតគ្នា​ ស៊ីន​ យូប៊ីន​ និងប្អូនស្រីឡេីងដូចកូនភ្លោះ

ភ្នំពេញ៖ ជាការពិតណាស់ តារាសម្ដែងនឹងម៉ូដែល ដ៏មានប្រជាប្រិយភាព កញ្ញា ស៊ីន យូប៊ីន គឺជាតារាស្រីមួយរូប ដែលមានអ្នកគាំទ្រស្ទើរគ្រប់វ័យពេញចិត្តជាមួយនឹងសមត្ថភាពសិល្បៈដ៏ពូកែ អាចសម្ដែងបត់បែនបានគ្រប់ប្រភេទសាច់រឿង។ លើសពីនេះ តារារូបនេះចូលចិត្តលេងខ្លួន និងប្រើជីវិតយ៉ាងហាយ ជាពិសេសគឺនាងមានសម្រស់ស្អាតតែម្ដង។

ដោយឡែក បើងាកមកមើលរូបថតប៉ុន្មានសន្លឹករបស់ យូប៊ីន ​ជាមួយប្អូនស្រីបង្កើត ដែលទើបតែបានបង្ហោះនៅ លើបណ្ដាញសង្គមកាលពីពេលថ្មីៗនេះវិញ យើងឃើញថា អ្នកទាំងពីរពិតជាស្រស់ស្អាត គួរឲ្យចាប់អារម្មណ៍ទាំងបងទាំងប្អូនតែម្ដង ។ ជាងនេះទៅទៀតនោះគឺ ប្អូនស្រីនាង ក៏កំពុងតែដើរតាមគន្លងជាអ្នកសិល្បៈតាមបងស្រីផងដែរ។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយក្នុងនោះ តារាស្រីរូបនេះនិងប្អូនស្រីបាននាំគ្នា រៀបចំតុបតែងខ្លួន និងស្លៀកពាក់ឈុតអាវយឺតបែបហ្វេសសិនដូចគ្នាបេះបិត បន្ទាប់មកក៏បានថតរូបជាមួយគ្នាដោយប្រើកាយវិការយ៉ាងស្និទ្ធស្នាល។ ហើយគ្រប់រូបថតទាំងនោះ មើលមួយភ្លែតស្ទើរតែច្រឡំថាជាកូនភ្លោះទៅហើយ ព្រោះតែអ្នកទាំងពីរមានមុខមាត់ស្រដៀងគ្នា និងស្អាតមិនចាញ់គ្នានោះឡើយ ដែលធ្វើឲ្យហ្វេនៗឃើញហើយ នាំគ្នាពោលពាក្យសរសើរពីពួកគេជាហូរហែរផងដែរ៕

សូមទស្សនារូបភាពខាងក្រោម៖

• ស៊ីន យូប៊ីន
• តារាខ្មែរ