គួរឲ្យសរសើរ យូប៊ីន​ ទៅដល់ទីណាក៏មិនភ្លេចបង្ហាញអត្តសញ្ញាណជាតិផ្សព្វផ្សាយវប្បធម៌

កម្សាន្ត៖ កាលពីពេលថ្មីៗនេះ តារាសម្ដែងលំដាប់កំពូលប្រចាំប្រទេសកម្ពុជា កញ្ញា ស៊ីន យូប៊ីន បានធ្វើដំណើរទៅចូលរួមនៅក្នុងកម្មវិធីលំដាប់អន្តរជាតិមួយនៅឯប្រទេសអារ៉ាប៊ីសាអូឌីត។ ជាពិសេស មិនខុសពីរាល់ដងនោះទេ តារាស្រីរូបនេះ បានឆ្លៀតបង្ហាញនូវអត្តសញ្ញាណជាតិខ្មែរ តាមរយៈសម្លៀកបំពាក់របស់នាង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាមួយគ្នានោះ យូប៊ីន បានគ្រងរ៉ូប ដែលមានច្នៃអក្សរអក្ខរក្រមខ្មែរ នៅពេញលើផ្ទៃរ៉ូប ដែលមើលទៅមិនត្រឹមតែស្រស់ស្អាតនោះទេ ថែមទាំងមានភាពទាក់ទាញទៀតផង។​ លើសពីនោះ តាមរយៈការគ្រងរ៉ូបមួយនេះ ក៏បានបង្ហាញទៅកាន់ពិភពលោកឲ្យកាន់តែងាកចំណាប់អារម្មណ៍មកលើប្រទេសកម្ពុជាយើង។

មិនតែប៉ុណ្ណោះ បើក្រឡេកទៅមើលសម្រស់របស់តារាសម្ដែងស្រីរូបនេះវិញ គឺនាងតែងតែមានភាពលេចធ្លោរ មានមន្ដស្នេហ៍ទាក់ទាញជានិច្ច។ គួរបញ្ជាក់ផងដែរថា តួឯកស្រីក្នុងបេះដូងមហាជនរូបនេះ បានចូលរួមកម្មវិធី  redsea international film festival 2023 នៅឯប្រទេសអារ៉ាប៊ីសាអូឌីត ដែលចូលរួមពោរពេញទៅដោយតារាលំដាប់ហូលីវូដ៕

ប្រភព៖ Shin Yubin ស៊ីន យូប៊ីន

• ស៊ីន យូប៊ីន
• រូបភាព
• តារាខ្មែរ